Omunambelewawiliki mouministeli womalweendo newiliko lokeengaba Nehemia Nghishekwa okwa kunghilila oshiwana opo shi kale tashi lopota ovanambelewa tava tambula eembumbo keengaba.
Nghishekwa okwa ti kape na omunambelewa a pewa oufemba futifa ovanhu ngeenge tava piti keengaba.
Edi Nghishekwa okwe dipopya Etine eshi a ninga eenghundafana naKundana. Ta ti keshe ou ta ka monika ta longifa ombumbo keengaba na lopotwe diva po kopolifi. “Oshiwana nashi shi kaleke kokule nokulonga oilonga ya nyika oulingilingi shaashi ku keshe omunhu taka hangika eli mekwatafano lanyika oulingilingi novanambelewa ota ka kwatwa po diva,” Nghishekwa ta ti. Etitatu minista yoikwameni neameno lokeengaba Albert Kawana okwa patulula eengamba a dishe dokoitulwa yokoonoli. Eengaba ngaashi Oshikango, Omahanene, Omuvelo waKashamane, Onasalamba oda patuluka paife. Moshipopiwa shaye minista okwa kunghilila oshiwana opo shi longife omhito ei okukala tashi longifa eengaba oku kaleka po ekwatafano liwa pokati kaNamibia naAngola.
Okwa ti elalakano lokupatulula eengaba okuyandja omhito kovanhu opo va twikile nokuninga oipindi pokati koilongo ei ivali. “Oipindi oyo imwe hai dulu okuyambula po eliko loshilongo shetu nokuyandja eemhito doilonga koshiwana,” Kawana ta ti.
Kawana okwa kunghilila oshiwana opo shi fimaneke omilandu da tulwa po keengamba nokukala tashi longele kumwe novambelewa wokeengamba.
Okwa weda po ta ti oshiwana nashi twikile okuli ufa komilandu doCovid-19.