Vaporosi moSouth Africa simpe kuna kukona kona mukaro ogu gwatwaredera nomfa domusiki gwaNamibia Maria Tuna-Omukwathi Uushona, ogu gadivikwa asi Tunakie. 

Nakufa sipwa sendi, Angie Nampala, kayinkondopekere eyi kosayitunga zaNew Era. Kuna kuyimona asi nakufa ogu mufundi goShambo kwadogoro konyima tupu apa galigende, mosalon zendi mosirongo saSouth Africa momazuva 24 Kudumogona mvhura zeezi. 

Age nare kavakamuhorekere komuzogo gosirongo setu Namibia konyima tupu rutu rwendi varutengwida kosirongo sendi sontundiliro. 

Mokukwama Namupala, awo vaturamo sirapotwa ntani makona kono kuna kutwima. Nye simpe kapi vana kugavako uzera nye navaugava tupu posiruwogona. 

Ose simpe kapi tuna diva asi yinke yahoroka, dogoro ngavamane ekonakono ntani ngatudiva asi yinke yahoroka kuhamena nomfa dedi, yimo ana kutanta. 

Posiruwo nye sehoreko lyomudimbi ogu, Namupala ogu gakere gahana kuyukilira, katanterere vakurona asi vahatarerera vanona vawo vatameke kulitekura vene. “’ twahepa kutantera vana vetu vakare pomavango gomawa, nosiruwo sosiwa, novantu wovawa ndi wouhunga. 

Twahepa kugamena nomfa ngwendi dasimpwasange ogu. 

Vakurona twahepa kuza komukaro gokutekura vana vetu. 

Esi kuna kara simwe natulirongeramo. 

Mokumupurako azereseko, Namupala katente asi nampili ngomu asi nomfa dendi simpe kapi dina divikwa, age kuna kuyimona asi muntu gumwe gahepa kumutumbukira nomfa dangesi. 

Ose kapi tuna diva asi yinke kayihorokere, eyi twadiva Tunaki kwakara munona goukanguki nye kuna kuyimona asi gumwe kweli kareteserepo nomfa dendi edi. 

Yimo ngoso ana kutanta. 

– ashikololo@nepc.com.na