Mexico City – Mexico mEtiyali okwa li a pitilile omaso gaantu 40 000 komukithi gwocoronavirus ngoka gwa iteyela moshilongo shoka, shoka osho oshilongo oshitine momaso ngaka notashi longo nuudhigu okukeelela omukithi nguka. Olopota yesiku oya li ya lopota kutya omwaalu gwomaso ngashiingeyi ogwa londa gwa ya po40 400 komukithi, konima sho aantu 915 ya li ya si moowili 48 da zi ko. Omuntu gwotango a monika omukithi moMexico osha li muFebuluali, 28.
Oshiwike shika presidente Manuel Lopez Obrador okwa li a ti kutya ota ka longa nuudhiginini okukondjitha omukithi nguka.
Okwa li a uvaneke okugamena mboka ye li unene moshiponga shoCovid-19, mwa kwatelwa okukandula po omikithi tadhi etwa kondjala nokoluhepo, okuya po noshikonga tashi kumike aantu ya lye iikulya yi na uundjolowele, osho wo okukutha ko omikithi dhimwe nokudhi yakula mbala ngaashi uuvu wosuuka.
“Otwa hala okudhimbulukwa mboka ya sa koCovid-19, otatu tumu omahekeleko gawo kaakwanezimo lyawo nokookuume,” Lopez ta ti ngaaka mokavidio hoka ka piti komapandja gosocial media. 
Mexico, e na aakwashigwana ye li oomiliona 127, oku li puutiyali momaso moLatin America a landula Brazil, ngoka a ndhindhilika omaso 80 000.
-Nampa/AFP