Oshikandjohongo shEenhana osha findana po omaundo etanga lokeemadi eshi she ye ponomola yotete moshitukulwa shaHangwena.
Eenhana oda findana noitwa 23, Ondobe oye ya poutivali nayo noitwa 23 omanga Endola oitwa 17.
Oshikandjohongo shaNdobe oshi li ponomola onhi-2 omanga oshikandjohongo Endola oshi li ponomola onhi-3.
Omudo keshe oikandjohongo ya yooloka moshitukulwa shaHangwena ohai kala i na omaudano etanga lokeemadi omo ovahongifikola okudja keefikola da yooloka hava kufa ombinga.
Oikandjohongo i li 10 yomOhangwena okwa li ya kufa ombinga yomaudano aa.
Elalakano lomaudano okweeta po omukumwe pokati kovahongifikola osho yo okushivafana nokuxwaxwameka ohokwe yetanga lokeemadi moshitukulwa.