Taimi Haihambo 

Abraham Mwanyekange 

Oitukulwa ivali Ohangwena nOshana oya lekela ovadanitanga vomoitukulwa yavo pambelwa, ovo va ka kalela po oitukulwa ivali koudano woNedbank Newspaper cup. 

Koshitukulwa shaHangwena ovadani ova lekelwa kOhamba Mwadinhomo Kristian Nelumbu pamwe nangoloneya Kadiva Hamutumwa, omanga mOshana va lekelwa kumayola wodoolopa yaShakati Leonard Hango opamwe nangoloneya Hofini Iipinge. 

Oudano ou otau unganekwa noku kwatelwa komesho koshifo kundaneki shoThe Namibian no tau tameke momafiku atatu fiyo ahamano aApiilili koKeetmanshoop. 

Ovaleli ava ova twa ovadanitanga omikumo vaka dane veli pakamo, opo vadule oku pondola esho sheva kufa momitumba. 

Ovakufimbimga moudano ou ovanyasha veli koshi yeedula 19. 

Ovakulunhu veespana edi tadi ka kufa ombinga moudano ou kOhangwena nOshana Paulina Kasheeta-Mutilifa na Victor Valdez ova ti ova kala noku deula ovadanitanga vavo nawa, nokomafiku axuuninwa ovakala veli meekamba. “Otwa kala tweva idilila opo tudule oku vadeula twamanamo, fyee hatufi oshisho kutya omalongekido aeshe oshoyo eemhumbwe davo oda wanapo,” Valdez ta ti. 

Kasheeta-Mutilifa na Valdez ova yandja yoo omalupandu avo komahangano aeshe aa eshi pondola moku yandja omakwafo kavadani tanga ava, okudja ashike koikulya, oidjalomwa nai kwao ya wedwapo. 

-abbenghilai@gmail.com