ONGWEDIVA – Kakukutu komatanga gopolisi moshitukulwa shaShana Commissioner Sackaria Lungameni okwa ti aalumentu naakiintu ye li mominzalo dhokukaleka po ombili nelandulathano oye li komalwilo, ya ilongekidha oku lwitha iimbuluma, sho omatango omanene taga tameke.
Lungameni ta ti opolisi otayi ka tameka nokuli nokashawa hoka taka tameke petameko lyaDeseba. Ta kumagidha wo aakwashigwana opo ya longele kumwe nopolisi nonaakwashigwana ooyakwao. Komufala ta ti aakalimo yomoondoolopa Oshakati, Ongwediva nOndangwa, naya longele kumwe momalukanda gawo onga aashiinda opo ya gamene omagumbo.
“Lombwela mushiinda shoye kutya oto thigi po egumbo lyoye kaali na omuntu nenge u konge omuntu a kale megumbo lyoye ngele oto yi kefudho,” Lungameni ta ti.
Lungameni okwa pula wo aanamagumbo opo ya lombwele oongundu dhokutonatela pomaushiinda dhoneighborhood kutya otaya zi po,
Okwa pula wo oshigwana opo shi longithe otekinologi yi li ko mwa kwatelwa ndjoka hayi kwatha aantu opo ya mone shoka tashi inyenge momagumbo gawo taya tala koongodhi dhopeke.