Abraham Mwanyekange
OSHAKATI- Omunashipundi woNamibia School Sport Union (NSSU) moshitukulwa shaShana Simasiku Yotham okwa shiivifila Kundana kutya ova tameka nale okulilongekidila omaudano ovanyasha veli koshi yeedula 17 o2026.
Omaudano ovanyasha ovo veli koshi yedula 17 ohaa unganekwa ko Namibia Sport Commision keshe odula.
Neudo omaudano otaa ka kala ko okudja momafiku 6 fiyo 10 Mai koWindhoek.
Omaudano ohaa kufwa ombinga koitukulwa aishe ili 14 yomoshilongo nohaakala ena omaudano a yoolokafana.
“Ovolleyball, basketball no katanga kokeemadi kovakainhu ovaninga nale omalilongekido avo apwa. Mopaife ohatu tale keengudu dikwao opo nado di kale da mana tu kale tushishi kutya oolye ovo tave ke tukalelapo,” Yotham ta holola ngaho.
Yotham okwa ti omalilongekido okatanga komokambaba, etanga lokeemadi lovalunenhu oshoyo okutondoka otaa ka manwa okudja nena fiyo Omaandaxa oshivike twa taalela.
Yotham okwa ti ova taalela omashongo mahapu eshi taveli longekidile omaudano ovanyasha.
“Katuna sha oyeendifo yokweeta ounona komalilongekido. Natango otuli momumbwe yoidjalomwa younona ovo tava kakalela po oshitukulwa shetu,” Yotham ta holola ngaho.
Yotham okwa pula kovaholi vomaudano opo va kwafele nakashona oko vena po okuyandja kounona ovo tava kakalelapo Oshana. Okwa pandula ovadali unene ovo veli tula mo nokuyambidida ounona vavo noinyangadalwa yomaudano unene okuva twala komalilongekido.
Samuel Nangolo omudeuli wongudu yokatanga kokeemhadi kovakainhu mOshanaokwa hololakutya omalilongekido okwa enda nawa Etitatu.
“Otwa deula ounona ve fike po53 omo twa kufa mo veli 23 ashike ka kwali shipu mowaashi ounona ova ulika oitalendi yavo,” ta ti ngaho.
Nangolo okwa ti momwaalu 23 otava ka kufa mo ounona veli 16 tave shiningi popaasa koudano woTse Yaa Kuku.
Okwa weda ko ta ti ovadani16 ovo tava ka kalela po oshitukulwa mokatanga kokeemadi kovakainhu. Nangolo okwa ti neudo otave li longekidile nawa oudano opo vaka findane po ekopi.
“Odula ya dja ko okwa li twe ya ovativali eshi twa dengwa koKunene oyo ya vena po ekopi,” ta holola nomukumo.
-abbenghilai@gmail.com