Auleria Wakudumo
Omupanguli Vicky Nikolaidis okwa undulila komesho oshibofa shovafekelwa vaheyali medipao laMatheus Sheehama, omuhongwa kwa li ha fikola koshiputudilo shopombada Nust momhangulilo yaWalvis Bay Etivali. Oshibofa osha undulilwa komafiku 22 no 23 Kotoba 2024, opo va dule okuadeka ofooloma yelifutilemo.
Omupanguli Nikolaidis okwa holola kutya natango vati oshibofa osha kamba oinima ya fimana ngaashi oukwatamawi va-MTC no-DNA.
Sheehama okwali a ponokelwa nokudipawa vati pefimbo va li tava yofa ombelela keumbo lokakadona kaye kwa li kopaihole mo 27 Juli 2024 nolutu laye ola ekelwa mefuta konima vati yomafiku.
Vaheyali vomovafekelwa medipao laSheehama, omwa kwatelwa kakadona waye wopaihole efimbo olo, Jessica !Gaes nomumwainamati Jimmy !Gaeb.
Vakwao va kwatelwa medipao ovo omumati wopaihole wa!Gaes nale, Michael Awaseb weedula 24, Marvin Wapota 20, Romano Paulus 20, Enrico Gomachab 20 naMoses Kandume weedula 18.
Pefimbo ovafekelwa ve ya momhangu, omhangulilo oya li ya fenda ookaume, ovakwanedimo novakwashiwana tava pula oushili nouyuuki moshibofa sha Sheehama.
Ovakwashiwana novakwanedimo ova pula omhangu yaWalvis Bay opo iha pe ovafekelwa aveshe vaheyali ve lifutile mo nomupanguli ehe va pe omhito yokulifutila mo.
Ovakwashiwana novakwanedimo ova li va ninga omunyanyo wopambili poshivelo shomhangu, omo ovafekelwa va li va teelelwa va holoke ongula yEtivali.
Ina yaSheehama, okwa indila keshe ou e na onyala mefyo lokaana kaye a holole oshili.
Amungenga okwa ti inava pewa ve lifutile mo osheshi inava wapa vali okukala mokati kovanhu.