Hamukoto Pohamba, okwa dja momhangulilo yaMangestalata onga omulumenhu omumangululwa eshi oshibofa shedengo osho a li a patululilwa komukulukadi waye muApiilili sha kufwa mo. 

Hamukoto Pohamba omona womupresidente mukulu, Hifikepunye Pohamba.
Omukadi – Albertina Pohamba – okwa kufa mo oshibofa konima yokuyandja oumbangi komesho yamangestalata, Celma Amadhila onghela.

Albertina okwa lombwela omhangu kutya ita twikile vali noihokolola shaashi vo nomusamane waye ova tameka nexungomwenyo olo tali va kwafele opo va kandule po oupyakadi oo wali wa twala opo a patululile Hamukoto oshibofa muApiilili.

Omweeti woihokolola yepangelo Sylvia Kauluma ina kandeka ekufemo loshibofa konima eshi Albertina a popya. 

Momafiku 17 Apiilili 2020, Pohamba, 41, okwali a pewa eli futile mo noN$2 000. Nokwa li a lombwelwa opo a haye popepi neumbo loshihakanwa shaye oule weemeta 50 –olo li li ko Dorado Valley. 

Okwa li yo a lombwelwa opo a hadje mo moWindhoek ina lombwela omukonaakoni woshibofa, ye ehe li dope mo moshibofa. 

Pohamba okwa taalela oshibofa shedengo, nelalakano loku ehameka omunhu kolutu konima eshi vati a denga noku  ehameka omukadi waye momafiku 02 Apiilili 2020 popepi noMaerua Mall mepandavanda linene laRobert Mugabe Avenue.

Otaku hokololwa Hamukoto a ponda omukadi, noku mu ehameka kombuda nomonhulo. Oshimaliwa shelifutilemo osho a li a yandja okwe shi shininwa. Momhangu, okwa li a kalelwa po kuhahende waye Milton Engelbrecht. –Nampa