Auleria Wakudumo
Oshibofa shonganga Kennedy Thiogo Kasume nedina lashivika nawa Dr. Andrew osha undulilwa komafiku 06 Kotoba 2025. Kasume ota tamanekelwa oibofa inhe, eshi vati a kendabala okudipaa Nahum Shanyengandje weedula 28. Vati okwa kendabala yoo okukwata po Shanyengandje ombabyona, okuya oveta moshipala nokulongifa ondjebo shihe li paveta. Shanyengandje vati omunailonga waKasume, va li hava di naye meumbo limwe. Kasume okwa holoka komesho yomupanguli Mozay Jansen osho yo omutokoli Shylock Mulijani.
Mulijani okwa undulila oshibofa shaKasume komesho shaashi okuyandja omhito opo ku ningwe omakonakono opolifi. Kasume okwa teelelwa a holoke lutivali momhangu yaShakati mo3 Juni 2025. Olopota yopolifi oya holola kutya Kasume okwa longa oimbuluma oyo mefiku lovanailonga, sha ningilwa konima yOngwediva Mini Market momaumbo aMakalani pokati ko16h00 no18h00 lwaapo ashike okwe ya ashike okutulwa moipandeko momafiku 11 Mei.
Otaku hokololwa a yasha Shanyengandje momaulu aeshe nombistoli. Kasume vati okwe mu twala keumbo laye lokomukunda kuElim moshitukulwa shaMusati, te mu ningile omatilifo a dime ongodi yaye nokuhalombwela ovanhu apa e li.
Otaku hokololwa kutya ondundu oya twala Shanyengandje kundokotola wopaumwene opo a ka mone ouhaku.
Opolifi oya ti pokati kaKasume naShanyengandje opa tukuluka eenhamanana odo da eta fiyo Shanyengandje ta yashwa.
Otaku hokololwa Shanyengandje a hangika ta tutu mo oinima yaye meumbo londuda shaashi vati a mona olukalwa laye pamwe pe lili nakakwa li vali a hala okudja nondudu. “Eshi a lombwelwa kumukwao kutya ota i, ondudu oya dika eenyala medu. Okwa ekela mo ongonyo tete, te mu denge noshitako shondjebo naashi e lidenga po, te mu yashe momaulu aeshe,” opolifi tai holola.
Onyala yanakuningwa oshihakanwa oyoyalimodjatopefimboloshiningwanima nayo oya lemanekwa. Kasume vati okwa kala naShanyengandje oule womafiku kuElim oko vati a kala te mu twala kundokotola wopaumwene, ta ti vati okwe liyasha ye mwene.
Otaku hokololwa vati a tembula Shanyengandje okuya komukunda Ondjongolume mOtamanzi oko nakuningwa oshihakanwa a ka mona omhito yokulivaka mo nokufaduka po.
Otaku hokololwa Shanyengandje a fadukila kOshakati kovakwanedimo vaye ovo ve mu twala kopolifi.
Opolifi oya holola kutya oya ninga omakonakono fiyo okeumbo laye lokomukunda kOndjongolume oko va hanga ondjebo ya holekwa meembuli donduda. Nakuningwa oshihakanwa ota mono epango lopaunamiti moshipangelo shepangelo shaShakati.
Kasume ota kala moipandeko poshitaasi shopolifi yaNgwediva.
-wakudumoauleria@gmail.com