Auleria Wakudumo
Ombaanga yaNamibia oya tameka okuandjaneka oshimaliwa shefo shoN$60 osho shina efano lomupresidente omutitatu waNamibia Hage Geingob.
Oshimaliwa oshali sha pitifwa momafiku 05 Maalitsa 2025 nosha tameka okuandjakanekwa onghela.
Omukulunhu wombaanga Johannes !Gawaxab okwa holola ta ti oshimaliwa osha nhuninwa Geingob okufimaneka oilonga oyo a longela oshilongo eshi.
“Mokulongifa oshimaliwa eshi, Geingob otaka kala ta dimbulukwa momukalo umwe weli kalekelwa wopombada,” !Gawaxab ta ti.
!Gawaxab okwa indila Ovanamibia opo va longife oshimaliwa eshi.
Pefimbo ta pitifa eandjakaneko loshimaliwa shoN$60 pambelewa, okwa holola ta ti oshimaliwa otashi dulu paife okulanda oipumbiwa.
“Nena otweya ashike okuulika kutya oshimaliwa osha fika momake ovakwashiwana. Oshimaliwa osha ufwa okulongifwa okulanda keshe osho wa hala mofitola,”!Gawaxab ta ti.
Geingob okwa xulifa odula ya djako muFebruali pefimbo ali koshipundi shouleli.
Omukulunhu wombaanga okwa yelifa kutya oshimaliwa eshi otashi pitifwa ashike lumwe onghene eshi sha adjanekwa ngaha oshili edidiliko mondjokonona yaNamibia.