Opolifi moshitukulwa shaMusati otai konakona oshibofa omo vati oinhimbu yolutu lokaana ye lituwa tai kondjelwa koingulu modoolopa yaShikuku.
Oingulu oye lituwa oshivike sha dja ko kovakwashiwana efimbo lokomatango.
Omukulunhu wopolisi koshikondo shokukonakona oimbuluma moshitukulwa shaMusati omupedukomufala Moses Simaho okwa hokolola ta ti omukwashiwana umwe a li ta ende kolupadi okwe litwa moingulu tai kondjele onainalona mu na oinhimbu.
Mokutala nawa okwa okwa didilika kutya monailona omu na eemhadi dokaana.
Fiyo opapa kape na ouyelele kombinga yomufekelwa.
Opolifi otai indile moshiwana kwaau e na ouyelele kombinga yomukainhu oo kwa li e na eteelelo ile e na okaana ndele keka na vali, opo shiwana shi lopotele opolifi keshe i li popepi.
Simaho okwa ti opolifi itai ka popya moshiwana oukwatya womunhu ou taka yandja ouyelele.
“Oshiwana nashi longele kumwe nopolifi okukandeka oimbuluma younona tava kupulwashi,” ta ti.
Oshivike sha dja ko, okaana kokakadona ke na odula neemwedi nhee oke lituwa meembuwa poWalvis Bay noSwakopmund.
Ina yokaana okwa kwatwa po.