Taimi Haihambo
Omukainhu weedula 17 okwa lopotwa kopolifi a tulwa moipandeko, konima eshi a dipaa kaume kaye kopaihole.
Oshiningwanima vati osha ningilwa mOkahandja moshitukulwa shOtjozondjupa, konima eshi va li tava tanguna.
Omupopiliko wopolifi modoolopa yaTjozondjupa, Maureen Mbeha okwa ti nakufya okwa tongololwa Pernadino Cloete.
Mbeha okwa ti Cloete okwa li a ya kombaanga a ka nane oimaliwa.
Eshi a fika meumbo, omufekelwa okwa tameka oku mu pula oimaliwa a ka lande oikulya.
“Epulo olo ola eta eenhangu damatutu pokati komufeekelwa naCloete, ye Cloete okwa li vati e li koshi yelongifo lomalodu,” ta ti. Cloete vati okwa tameka oku tuka omufeekelwa noku mukuma kolutu. Eenhangu vati oda eta omufeekelwa akufe ombele, ndele tatu Cloete monhulo kolumusho, ndele poshiningwanima ta dipo.
Cloete vati okwa ka hangika mekungu lohonde kumumwaina kadona, oo aendela emutwale koshipangelo, nokwa fikila ashike axulifa nale vati.
Omufeekelwa vati okwa ke li yandja kopolifi, nokwa teelelika aholoke momangu nena.