Koshipangelo shaNandjokwe ota kungwa oshaala yokanyofi tai ka kala ina eembete 90.

Okanyofi ota ka tugngwa kongushu yoshimaliwa eemilliona N$59.

Edi oda popiwa kungoloneya woshitukulwa shaShikoto Penda Ya Ndakolo pefimbo kwa li ta yandje ouyelele kombinga yomayakulo oo aa etwa po kepangelo moshitukulwa shaye kOmuthiya oshivike sha djako.

Okwa popya ta ti elelo koshitukulwa shaShikoto ota li twikile okuyandjaneka omayakulo koshiwana.

Ngoloneya okwa ti omilliona   N$1.8 otai longifwa okulongulula oshaala yoshitandelo kOnandjonakwe.

“Ovanaudu itava ka tumwa vali koshipangelo shaShakati ile oWindhoek,” a weda po.

Ndakolo okwa ti koshipangelo shaMuthiya okwa tulwa paife otenga yomeva opo i kale tai yandje omeva ngeenge omeva a pata moshipangelo.

Onghee okwa ti ovanailonga vouhaku itava ka longa vali noudjuu ngeenge omeva a pata.

Ndakolo okwa ti okapangelo kokOmuntele oka pwa okulongulula paife.

Okwa popya ta ti epangelo ola didilika omikunda dimwepo da taalela omhumbwe yomeva ashike omukunda ou otau ka ndulwa po diva.

“Ouministeli wounamapya otau twikile okuyandjaneka eembola domeva koshiwnaa molwashi omeva okwa fimana,” ta ti.

Okwa weda po ta ti epangelo ole shipondola okutunga eendjila mOshikoto.

“Ondjila ya uka kOmuntele oye li pyakidilwa nokutungwa,” ta ti.

Ngoloneya okwa moshitukulwa shaye omu na omandiki 50 ouminiteli woukashike kookanhu nonghalo nawa yokaana taa yandje omayakulo koshiwana.

Okwa ti opolifi otai twikile okukandeka oimbuluma moshitukulwa unene tuu omakwatonghonga.

Ndakolo okwa popya ta ti moshitukulwa shaye eefikola odi na omeva nolusheno.

fhamalwa@nepc.com.na