Amushangandjayi gwehangano lyoombetsa nootaksi lyoNamibia Bus and Taxi Association (Nabta) Pendapala Nakathingo, ngoka a taalela iipotha yokulonga paulingilingi okwa tegelelwa a ka holoke mompangulilo yaMangestalata moWindhoek momasiku 15 Febuluali 2021. Ohela, Nakathingo okwa li a holoka ishewe mompangu oyo tuu ndjoka shi na sha noshipotha shoka, nosha li shu undulilwa komeho. 

Okwa li a holoka mompangu yaMangestalata komeho gomupanguli Celma Ndapewa Amadhila. Nakathingo, 43, okwa li a mangwa po muApilili 2020 sho anuwa a li a landitha oopelemeta dha adha po 20 000 kiilyo yoNabta omanga dhi na okukala tadhi gandjwa oshali. 

Otaku popiwa kutya okwa li a pula N$100 muutuukala, N$150 000 dhuumbetsa wuuQuantum osho wo N$200 muuIveco. Okwa li a zi mo kombooloha yooN$ 5000, nangashiingeyi oku li kondje sigo esiku ta ka holoka momasiku 15 Febuluali 2021. 

-Nampa