Omupresidente gwongongahangano yokatanga kokoompadhi yaEurope (UEFA) Aleksander Caferin okwa ti otashi vulika oshikakomumvo shonuumvo shi folole ngele itashi vulu okutamukululwa pehulilo lyaJuni. Ooliga odhindji moEurope odha kalekwa manga omolwa omukithi gwocoronavirus, moka wo otonamende yiilongo yaEurope yo2020 ya undulilwa komeho komumvo tagu ya. Caferin ta ti otashi vulika oshikakomumvo shuudhano wokatanga kokoompadhi shi ke ye pehulilo konima yomakumaba.
“Ngele inatu pondola okutamukulula, nena oshikakomumvo shoka otashi ka kana,” osho Omuslovenuia nguka a ti ngaaka.
Okwa lombwele oshifikundaneki shaItaly shedhina La Repubblica: “Ope na ondungethaneko ya-A, B, na-C. Okutameka mokati kaMai, mu Juni nenge kehulilo lyaJuni.