Otjikunino tjOuhonapare wOmbazu yOvambanderu mOkovimburu mEpukiro matji yandja ohange mokuyendayenda indi nai nganda atja utwa, tji tja hitisa zondora zaa Namibia omayovi yetano. 

Orata mouhonapare mbwi, Kotoree Kaukuata, ma tja okuiisira kotjimariva itji tji tja hita mombwiko yotjiungura ho nu youhonapare momakondero omatenga wotjikunino itji, maye raisa kutja matji hungama omuhunga omuwa. Kaukuata ngu notjiungura tjokutjiukisa ovinikorwa vyotjikunino itji ma tja nao okuiisira kovinikorwa vyatjo mbi va randisire peyuva roparamira momayandero wombura ndja zuko. Ovyo mbyari ovinikorwa vyatjo ovitenga okurandisiwa. 

Nai ozombaruru, omatanga youitjitji, ozonyanga novihakautu vyouitjiti ombi kunwa motjikunio tji tji tja utire mo 2024 mehi rounene wozoheketara 0-14 mOkovimburu. Kovikunwa imbi mave tanda okuweza ko ovihakautu, ozomiriva, ovitamati, omakunde novikunwa vyarwe ekweze rokukuna otja tji mari kayenda. Ovinikorwa tjiva va yandja kozonganda nḓa wirwa omauzeu wozonḓiro na wina koviwaṋa mbi ha hupu nawa mena rongurameno yavyo motjiwaṋa kutja omo kutja vya serwe kombunda mehupo na nao. 

Moruyaveze wina ozosikore novahumbwa mehupo morukondwa rwa Maheke na mouparanga wehi arihe ra Namibia mave ripurire ko wina okuvehavarisa tjiva vyovinikorwa vyotjikunino tji. Inga omautiro uriri noruyaveze maru yerayera,” Kaukuata ma tja.