Omayuva wo ma suviro inga omayambero wo mbura aihe Wonganda ya Tjimana mu Tjikukutu otjiyeriko ngeri oyetja 55.
Ombura ndjazuko onganda otji ya yambererero rukwao okuza ko 2019. Wina tji ya yandjere ondjozikiro ya peke kovengi vayo mba toorwa mo 2019 no 2020 iyetjise ro Corona. Otja kondekurona imwe yo nganda indji, Himee Kamburona, otjo zondekurona nai nÿe no ngondjero kutja ohoromende yEhi rOvandoitji i ze mburuke onyoneno kOvanamibia yoruveze ro huurire, nganda apekara OtjiÞiro Otjindjandja, ova hungire peke peke tjingetjo ma ve undjirwa oku hakura ko ongondoroka no ngondjero indji.
Eye tji ma tja ondji mairire ombazu po ma yambero wo nganda ya Tjimana okuzamba ngandu eyuva rimwe ohoromende yEhi rOvandoitji tji ya itavere kutja otjo tjiri pari OtjiÞiro Otjindjandja tjOvammbanderu, Ovaherero nOvakwena.
Otja tji pekara kombunda yo zo mbura azehe ndatu, ndinondi ovimbumba ma vi kararera ko Tjimanangombe nu muhuka, Orovingura, avi tjirwa ama viyambere ku mba suvisiwa imo, mu muno’ mbara omuyaruke Stephanus KaÞairova Hoveka, eye ngwa kongorera Nikanora Hoveka. Omu mavizu muhuka avi tumukire ku Kambi Ngombe Yoonaa Tjituku, Omauezonjanda, epe ndukirwa, Osondaha onganda ya Karambi aiyambere. Tjingetjo wina ayiisako omakutu kuMajora Kamburona.