Jazema Hangero
O.St Barnabasa yoveripate oyo ndji mai kara nomazemburukiro wozombura esere zonḓikameno yayo komaandero wombura, muhuka mai yakura ovimbumba, ozonongo nozondjiwe pekepeke okuhonga. okuronga nokurongerisa omitanda koruyaveze oruwa.
Kokutja vi yepe ozondjito ozombi novipurukise nomeva wamururu nga hungamasana nominyo vyawo. Tjinga omingi avya pandjara omuhunga m mokuhina okurongerisiwa nawa okuza kouṱiṱi. Omitanda vya hungamwa i yomatokero nomahore omavi nge vi pitisa mozondjira, kokutja ve penge ozondjira nḓe vipandjarisa. Motjimbumba tjozonongo pekepeke mu mu na Oministera yOkehi yOuveruke nOnḓunino yOtjiwaṋa, Onongo Ester Utjiua Muinjangue, omuṱune wominyo oserekaze Inge Murangi, pamwe noserekaze Valencia Katjipuka, omuyandje womihunga kominyo vyovandu. Omivero mavi paturuka pohambondatu yomuhuka ngunda otjitjitwa otjini amatji utu momurongo. Oukakarata wokuhita pomuvero poo wokukwizika Omunarupa auhe, ovanene pu ma ve ningirua okuya puno vanatja vawo, ma ningirua norupa o N$100 uriri novanatje wina.
“Omuti u vyuurwa ngunda au ri omutarazu, vanene etee ovanatje ve upikwe, ve rongerisiwe nokupamisiwa nomahongero, oumune nouripura mbu ri wo” Uataviza Zemburuka matja