Otjiwarongos ge N$71 miljun marisa daoga !gâi!gâis !aroma ǂnûiǂui hâ

Otjiwarongos di !ā!khōmais ge Daogu Mûǂams ǂGaes (RFA) tsî Daogu ǂGaeǂguis hâra ǀkha !hûǁare hâse sao ra !nona kurigu !nâ N$71 miljunsa daoga ǂgaoǀkhāsa !harigu ǁga omkhâis tsî ǁgaihâ daoga Otjiwarongos !nâ !gâi!gâi!nâs !aroma nî ǁguiri.

Nē sîsengu hîa !harodi !nâ nî dīhese īgu ge nē !nona ǂnûiǂgādi ǁnâugub hîa N$71 miljuns ai nî hâs di ǁnâuguxoaǁguib di !â. Otjiwarongos ge gaxu ǁaeba !gâi mâsib !nâ hâ tama daogu ǀkha !gomsib ase !goaxa, !gōsase, kai daogu tsî ǂnamipeb ai. !Kharu ge ǁkhâgu !nâb ge nē mâsiba îbe ǀgaisa ǀnanub xa ge khao-oa kaihe. Otjiwarongos di !ā!khōmais ge RAs !nâ-ū ge mî, kontarakteri ge ǀnai a !gaehe tsî āde daogu !nâ ǂgamams ǀkha a tsoatsoasa tsîb nē sîsenna !ās a ǂhabase hâ daogu hoaga nî !khōǂgā !khaisa.

“Nē ǁgoaǂuide oresa hōbas ases ge !ā!khōmaisa RFAs tsî RAs hâdi ǁnâugub !oagu !kharaga!nâgu projekdi, daoga !gâi!gâi tsî !gâise gu nî hâsa mûǂams di di ǀkha ge ǁnāǂgō.

Nē sîsenxasigu ge !nona kurigu ǁaeba nî !khōǂgā,” tib ge Shivuteba ge mî.

ǀNî sîsengu hîa ǀnai ge dītoahe gu ge ǁaupexa N$3 miljuns ǁkhāsib ai ra ǀnōhe tsî !gâi!gâxase 3,254. 18m² gaxusiba !khōǂgā hâ āde ǂganam tsî hoa!nâ-aixa daob !gâi!gâi!nâde 1,152.31m² !khōǂgā hâse DRCb !Ganni, Lang !Ganni, East !Ganni, Jonas Useb !Ganni, Waterberg !Ganni, Son !Ganni tsî Saint George’s !Ganhâgu ai. Sao ra !gangu: Henk Willems, Ramblers, Oos !Ganni, Park !Ganni, Kambazembi !Ganni, Johannes Wohler !Ganni tsî Bathromeus Koruseb !Ganhâgu ge ǀhaob ai 4,069.23m² gaxusiba !khōǂgā hâ !gâi!gâi!nâde ge hō.

Ai!ân ge Orwetoveni ǁAnǁguib daogu !aroma N$3 miljunsa ge mā hîa 4,997.12m² gu gaxusib āde ǂganam tsî 5,412m² gu di hoa!nâ-aixa sîsenga dana daogu aiǁgause Guinas !Ganni. Kavango !Ganni, J-Xam Goaseb !Ganni tsî noxopa ǀnî daogu ai nî dīse.

Nē go ǀgūǁae a ǀapi tsî ǂkhôaba daogu ai a dī ǀnanub ǂnamipes ge !ā!khōmaisa hāǀaro ra N$6 miljunsa ge ūǂui daoga !gâi!gâi!nâs tsî ǁgamga ǁkhaehe tamase ǂoagu nîpa !kharus sîsenǀgaugu tsîn !aroma.

Nē maridi hoadi ge RFAs, RAs tsî !ā!khōmais hâdi di ǀhûǁarebese hâ ǁnâuguxoaǁguiba xu ra ǂoaxa. “Nē sîsengu ge ǀnai ge tsoatsoa tsî sao ra !nani ǁkhâga noxopa nî !khoe.

Nēsi a ǀhawe ǀgaisa ǀnanub nî !gû-īs kara, os ge !ā!khōmaisa N$26 miljunsa nî ūǂui, Dr Libertine Amadhila !Ganni, Ananias Nangoro !Ganni, Bahnhof !Ganni, Gottlieb Katjindee !Ganni, Kambazembi !Ganni, Bert Jansen !Ganni, Rikumbi Kandanga River !Ganni, Industrial !Ganni tsî Dr Frans Indongo !Ganhâgu !aroma,” tib ge Shivuteba ge ǀaro.