Iuze Mukube

Mokukwama nye eokoro kavagwene asi vavarundurure, eli vatokwere mwaKudumonkuru mvhura zina puko, vanona gona vavali wonomvhura (18) owo yina tamba yokudipaga momudona mugara momvhura 2024, ngesi kuna kuvandindira vakamoneke kompanguro rokuhova moVenduka kompanguro zakahurako mokwedi kwaMurongagona. 

Elias Namwandi Nandomba ntani Mervin Jay-z Beukes kwavakwete mo 2024, konyima apa rutu rwanakufa Christoph Fredericks (30) varugwene momuramba kevango vatura lyokutunga vantu, moOtjomuise’s 7de Laan. 

Ava kuna vatamba makuye mosipangwiro saKatutura kounzoni wokudipaga, kuzonagwisa veta ntani kuzonagura rutu rosimpu. Unzoni ou una vatamba kuhamena edipago lya Frederick, rutu rwendi kwarugwene konyima apa vagwene mbudi asi ana zumbana, omu vamutwire 32 ntani yilyo yendi yorutu vanayiteteko moOtjimuise. Umbondo ou varugana, kwareta ekankamo kovantu, kwasitjangurura asi siponga sokunyenga muntu, omu Fredericks gakere asi muhameni kombunga zoLGBTQ +monkarapamwe kwamudiva asi age mukadi. 

Ano vavali nawo kwavakwete morwa kapi yina kuzera eyi vana kuhuyunga omu nye vazonagwisire veta zirugane moomu zawapera, gumwe kwakere nye mumbya Elias, Tashiya Olivia Nandomba. 

Tashiya kwamukwete morwa mokus i l ika umbangi omu gahorekere sikoverero sina kara honde samukurwendi esi gadwere siruwo oso yahorokere yokorokotji. 

Ano gumwe kwakere nye Joslin Booysen, nye nampili ngoso sava vavali sirapotwa sawo kwasigusamo morwa mupanguli kapi ana kuyitambura asi vavatengeke. 

Mokukwama yitundwamo yovaporosi, Fredericks rutu rwendi kwarugwene varugenda nzira dokupita monomuramba pepi nosure zaChairman Mao Zendong High School moOtjomuise. 

Sirapotwa sangesi ngasikarako mompanguro zonene mo 21 Murongagona 2026. Vagazarerwa simpe ngesi monomango vana kara. 

mukubeiuze@gmail.com