Auleria Wakudumo 

Ouministeli wounamapya nounaimuna, eeshi, omeva nomatalululo omadu owa indila omahangano aeshe oo haa yandje omayakulo okumboola eemboola moNamibia opo e li shangife nouministeli. 

Omahangano taa pulwa e lishangife naa kale e na ombaapila yepitikilo lokumboola. Ngeenge kape na ombapila yepitikilo, nena ehangano itali ka kufa ombinga melishangifo eli. 

Omahangano otaa ka longifwa okufa eemboola moitukulwa ya yooloka. Omupedukulunhu koshikondo shokumboola Sakeus Ihemba okwa holola kutya mokulishangifa, omahangano otaa ka talelwa yo nghene haa mboola osho yo okutala oilongifo oyo hava longifa. 

“Omahangano naa kale e lilongekida okutalelwa oilonga yawo, mwa kwatelwa okutala ongushu yokufa eemboola osho yo oilongifomwa yavo,” ouministeli tau holola. 

Eshi otashi ningwa she likwatelela kokatendo kokukaleka po omeva haka ifanwa water resources management ka-11 ko2023. Ouministeli owa ti omahangano oo ehe na ombapila yepitikilo itaa ka pitikwa okufa eemboola. 

Omahangano otaa indilwa a ye mekwatafano nomupedukulunhu koshikondo shokumboola eemboola mouministeli wounamapya. 

-awakudumo@nepc.com.na