Oshikango- Onduba younona ovo vali va holoka kedimbuluko lefiku lemanguluko loshilongo ova ti ova tyapula ngaashi vali va teela.
Engungo lounona ola hololela Kundana nghee va dimbuluka efiku lemanguluko. Ounona ova ti ovaimba, okundaanisa oshoyo oku uhala nawa pamwe navakwao.
Bonifatius Pohamba oo ali eya okukufa ombinga metyapulo, okwa ti okwa hafifwa unene ku Pratick Lela oo a shiivika nawa onga Eima lokEenhana eshi omumona tandaanisa. “Onda kala ashike handi mu mono koTikTok, nonda hafa eshi etu ufana komesho atushe ounona tundaanise pamwe naye,” Pohamba ta holola ngaho.
Vamwe natango vali tava mwenyeke ova shikingalo voo Chella Boy, oshoyo eefikola da li deya po noidano oshoyo eendaanisa daufa ovanhu koipundi ngaashi ofikola yedina Ongenga English Private School, oshoyo Eengedjo secondary school.
Umwe womuvo natango Lungameni Paulus okwa ti yee opo lwotete ta tyapula edimbuluko lefiku lemanguluko loshilongo, nokwa hala ngeno ota li ningwa alushe.