I Kae Matundu-Tjiparuro
OTJOMUISE
Ovina otja tji viri nai ongaro yourumbu kaina kuhepa kutja ohoromende itie kutja munourumbu posyo tji maiso okutjita okuzemburuka kutja mo maturiro tjiva mehi ovandu mave kara nouzeu wo vikurya, omaryo omahena nawina ouhepe womeva, o Ministera yOtutumbo nOvikuwa, Omeva Nokuti, Onongo Nickey Iyambo, watjere mehungi re mOmbongarero yOtjiwana.
Watjere munao ohepero otjiwana okuungura kumwe nohoromende mokupaha okuvatera omaturiro kaani ingo no kupuratena kuyo. Watjere motukondua atuhe o 13 mehi ovinamuinyo kotutu viri nawa nao nganduu ko nawa omundu otja koruveze indui pendje na mo zondendera tjiva ozongombe ozondendu nozondu mu zarambuka. Okupepera otja tji maku pupapara tjigetjo wina omaryo otji maye zundapara nu ihi matjihenununa ondengu yozonjanda novinamwinyo ovinene. Tjingetjo oviwana mavi yekwa ehup navikara nouzeu wo vikurya.
Munao Iyambo otja kwamberere ko ovatuta okurandisa ovinamwinyo vyao tjiva okusuvanisa omaryo otjo mwano wo ku tjinda ourumbu. Watjere o Ministeri ye okupitira mo Cambineta yeripurira kombatero kovatuta vozonjanda tjinga ye vejandjera okurandisa ovinamwinyo vyao pendje nehi.
Mena rombura ndji harokere nawa omeva motupa tu turi mourumbu mayeririko omahena okupepera otja tji makuryama komurungu. Otui nawina ozomboora mazeundjirwa okunona nu munao omeva aye kaseka.
Watjere o Ministeri iri mokutara motjina ihi nu tjiyahara oumune aiyu kapitisa ko Cambineta. Munao otja ningirire ombepo ndja hitisirwe mOmbongarero yOtjiwana ohunga nourumbu okungunda ama iyundju okuhungirira kotjina ihi nganduu ohoromende tjiye riraisa mutjo.
Ombepo indji yahitisiwa iyo kanepo ko DTA, McHenry Venaani. Tje inunisire Oritjavari, Venaani watjere eye no vakwao mo kuryanga oure nouparanga wehi no kuhungira kuna ovanarupa peke peke vehaka kotjina tjimwe uriri okoo kutja ombura yeroka ovitovatova notupa otungi mehi kanaa tuamuna ombura ndja yenene okuyama ovinamwinyo novikunwa. Munao otjeri ohepero otjiwana okurongerera oumba mbwe tjikuramene imbwi.