OTJOMUISE- Otjiwaøa atjirikende katjiwise ominjo pehi menarokutja Ombara Otjitambi yotjiwaøa tjOvaherero, Onongo Kuaima Riruako, mouvere meri monamiti yombongo yOkatorika mOtjomuise, uri monøikameno.
Onguizikiro indji yayandjua iyomusia wombara, Onongo Hoze Riruako. Erero otjiwana tjitjihungira Otjiherero tjaworonganene mombongo yOruuano muno kehi yozombongo peke peke okukumbira Ombara. Pongumbiro indji Onongo Riruako opatjivisire otjiwana ondikameno youvere wombara. Watjere pendje nozongumbiro peke peke zovandu motjiwana wina mapemunika ayo oovakuru novati votjiwana vazuvirire ozongumbiro zotjiwaøa tjinga kombunda yozondangere motjiwaøa azaire kezuko rao nazekotoka azeekupanga Ombara otja kombazu, eyuva ependukirua tjandje wake kangama nomiriu mbiari avia hitisiwa momayuru we eye maa ririsua tjandje viasakewa.
Onongo Riruako watjere okamusepa kombindu kukapoka kakamusepa okasemba munao ombindi ndjaa kesisisa otjiihina yaya kouruvi nunguari aiyandere potjivanda tjouruvi uriri. Ozonganga zakondjisire nganda azeyeta ombinÿu yombara ndjari kombanda pondondo puyasere okukara namondjeverero nokutja wina aihazizire moukoto nu nambano tjitjasewapo ombara okuriverukira tjinga nambano oyo moumba ayapiti avihe nambano aviri kehi yondiero yozonganga nÿumazeipanga. Okunene okuhepa kozongumbiro zotjiwana novakuru novaÞi vatjo.
Posia ngunda ombara amaiveruka maihepa okusuva nu munao otjiwana otjimatjinignirua okukara nomuretima kutja atjihangunda amatjikariangere Ombara konamiti. Avihe mbimavitjivanga okuzuva ohunga nongayerendero wouveruke wOmbara matjiyenene okuzuva mOnongo Riruako.
™Tanga yEhova∫, ™Omurise Iumue∫, ™Mbeya Mbeya Muhona∫, ™Masekama Movikamba∫ itjiva yomaumburiro ombongo nguyautire nayo ngunda mamayiundju ovimbumba okuworongana. Tjazumba Otjiuru tjombongo yOruuano Asaria Kamburona otjapatururire otjiungura nongumbiro nu ananga ovahonge avehe vozombongo azehe mbawarongana mombongo indji okukamburasana pomake ngunda amapaturura nongamburiro. Tjazumba apekongorere otowondja tuozongumbiro iyozombongo peke peke mumuari Johannes Tjitjo wo Spiritual Healing Church, Ida Hoffman wOkomiti yOtjitiro Otjindjandja yOvakwena nu wina nguakuramenenepo Ombara yOvakwena imba ova !Aman, Dawid Frederick.
Embo rotjikoro mozongumbiro inda yari kutja nani Ndjambi matjariparere po Ombara Otjitambi ozombura zarue o 15, kuzo Otjiuru tjOruuano Kamburona kawezire ko zarue ndano kutja zerire o 20 kutja eye mamane oviungura ovingi viotjiwana mbenavio muvio mununa otjisuta tjombinÿu yomuhoko.Mozokowa muari ozokowa zomboro yOruunao omiramba, omitanda novarumendu, o Soli Deo Gloria, Okasojetua no Massive Choir. Wina zongumbiro zavasisirue imba mberi momauvere, ozonÿiro zomatemba ndawirire otjiwaøa nomauzeu peke peke.
Otjitjitua tjingetjo tjoingumbiro oruveze tjingero erero tjakarere movihuro novirongo peke peke mehi tjimuna Omongua, Otjiwarongo tjorutenda, Otjozondjii, Otjiwavanda nawina kehi rOzonguena ombara Frederick pahongorere otjitjitua tjingetjo nganduu pendje kouye wopendje omitanda viOvaherero nOvambanderu mbiakarimbara ingo puviatjitire nao.