EZOROWE Otjiwana tjOvakwena imba ova !Aman matji rongere oku zemburuka omweze mbu mauyende rimwe rekondua ehazendu me kuruhungi ra Namibia mo mbiririro yo huurire yOvandoitji notjirwa tjongutukiro. O uhonapare wombazu wova !Aman mbu tjiukwa otjo u honapare wova Soromas, ma u rongere oku zemburuka o Captaina yawo yOkehi, Cornelius Frederick, ngwa kondua otjiuru iyOvandoitji tja nana ovita vyatjo kuna Ovandoitji ozombura tji mazeutire mombura indji o 1900. Ovitjitua imbi mavi rongerisirwa omayuva tjiyeri 16-17 ku Tengarindi po Kakoverwa ka Shark mene ya ka Koverua. Ovandoitji nova !Aman va hakaena motjirwa otjizeu tji tjauta mo 1904 na tjituara koma kondero wo tjiuru tjo munane wo vita wova !Aman no ma paterero wovandu mo rumbo ro vakamburwa noma tatumisiro rwo Kakoverwa ka Shark ovengi muvato wanga wovikurya nozombepo ozombi meyuru zo mene yo kuvare. Varwe va turikwa komiti ngunda ovarwe ava umbwa kovinamayo vyo kuvare. Omuhona wova !Aman nguri motjihavero nai, David Frederick, watjere omazemburukiro inga ohepero kotjiwana tje na kovature va Namibia avehe okuraisa kovandu va Namibia kutja ongondjero yOvandoitji ohina mbindu komutima okuhuura ehi ndjaa iha pokasana ve ipirura vi make. Otjiwana ihi nai tji turira mo zondendera za Bethanie otjo tji tjiri ape ozokilometa 160 ko mamuho wa Zerowe oku pikira ko ngurova. (Nampa)