Auleria Wakudumo 

Ovadani vanini voudano woTennis ova ka kalela po oshilongo koudano woTennis woSouthern African Junior koshilandopangelo Gaborone moBotswana opamwe mounisteli wehongo, oungoba, omaudano novanyasha. 

Oudano ou otau ka kala hovela nena fiyo omomafiku 17 Januali 2026. Ovadani vanini vaNamibia ovo veli koshi yeedula 14 oshoyo 16 ovo vat ava ka kufa ombinga moudano ou. 

Ovadani ova teelelwa va ka dane koohandimwe ano kooumwe oshoyo meengudu davo ngaashi da tumbulwa metetekelo. 

Oshilongo osha tuma ovadani veli 12, omo mwa kwatelwa ovamati vatatu noukadona vatatu tava ka dana koshi yeedula 14, ovamati vatatu noukadona vatatu ovo tava ka kufa ombinga moudano wongudu yaavo veli koshi yeedula 16.

Ovadani vaNamibia ova tumwa koBotswana kouministeli wehongo melongelo kumwe nehangano loudano woTennis noNamibia hano oNamibia Tennis Association (NTA). Pefimbo ovadani tava lekelwa okuya koBotswana, omukulunhu woudano moshitukulwa shaKhomas Mara Kandjiriomuini okwa pandula ovadani nokweva kwashilipaleka kutya ouministeli wehongo otau va kwafa mekufombinga loudano wavo. Okwa ti ouministeli wehongo owa longa noudiinini okukwashilipaleka kutya inava fyaala po noipumbiwa yavo aishe oili peenhele. 

Omunashipundi woudano woTennis younona, Daniel du Toit okwa holola kutya okuna elineekelo movadani nokuna etimaumbwile kutya otave shi endifa nawa. 

Okweva twa omukumo opo vaka dane nelitulemo mokapale nokulihumbata nawa kondje yokapale. Okwa ti ovadani ova kalela po oshilong, onghene nava yelule epandela laNamibia mombada mokudana, momikalo nomelitulemo. 

Namibia Tennis Association oya holola kutya ovadani vanini oveli deula nawa novena omukumo muvo kutya otava ka tula epandela loshilongo pombada. 

-awakudumo@nepc.com.na