Otjomuise
Otjimbumba tjovavanane vombazu vOvaherero nOvakwena kehi youhongora wombara otjitambi yOvaherero, Vekuii Rukuro, vayandja ombepo yokutja pepahewe nomaraka oumune moviwana vyo Vaherero nOvakwena otja mbya hungamenwe iyomaraa wOtjiÞiro Otjindjandja imbi kepuriro rokutja tjii hapo ohoromende ya Namibia yasere okuvekuramenapo motjihunguririro tjo TjiÞiro Otjindjandja kuna ohoromende yehi rOvandoitji nokuhina ousemba wawo.
Mokupaha oumune omaraka woumune imbwi mapekara omapuriro yevari rimwe ndimaripura kutja tjii hapo otjiwa¿a matjivanga oku kuramenwapo iyombara Vekuii Rukoro poo “iyozonganda zouhona nÿeungura kuna ohoromende?”. Epuriro rarwe otja kovanane viombazu imba okookutja hapo ozondekurona zOtjiÞiro Otjindjandja vasere okurikuramenapo oveni poo iyohoromende ya Namibia?
Eningira indi ovanane vombazu imba veritjiukisire indu tjivahakaenene kuna omuhindwa wapeke wehi rOvandoitji mOtjihungiriro tjOtjiÞiro Otjindjandja, Ruprecht Polenz Oritjatatu. Otja komatjangwa wovanane imba nguvatandarere ko momahakaeneno wawo na Polenz, Rukoro wari puna ombara Dawid Frederick, ombara Petrus Simon Kooper, ombara Sam Kambazembi, ombara Turimuro Hoveka, ombara otjitambi Aletha Nguvauva, ombara Seth Kooitjie, Ida Hoffmann na Festus Muundjua. Vavangere okutjiwa kutja hapo omatiasaneno pokati kozohoromende azeembari inÿa yerivi mozonÿero zOvakwena nOvaherero mOtjauana, o South Africa, Omahi Omakutasane wa America, o Canada Ouhonapare Mbwerikuta (United Kingdom) nu wina mapeya o Cameroon no Togo.
Ohunga nozondjamba zozohoronede za Namibia nehi rOvandoitji okuhangatena imba mbaihamwa, otjimbumba itji tjapambarerere kutja o Ministeri yOngaro Pokati kOmahi nOmaunguriro Kumwe iisana ovitjitua vyo 1904-1908 Ovaherero nOvakwena omayovi omasere muvaÞa “otjoviÞukaungurra”. “Operesidenda Hage Geingoba utja Otjitiro Otjiandjandja tjari otjo Vanamibia avehe, ka Tjitiro Otjindjandja tjo Vakwena poo Ovaherero. Ehi rOvandoitji ripanÿa okuyakura ombepo yOtjitiro Otjiandjandja tjOvaherero nOvakwena mOndjuwo yOzoveta yaro nu nangwari otjiuru tjOndjuwo indji atjitja Otjitiro Otjindjandja posyo atjari kumwi ohunga nondjesiro notjisuta,” omatjangwa inga mayetja. Tjigetjo omukuranepo wehi rOvandoitji mo Namibia, Christian Schlaga, werikwamba koruhangateno indwi tjetja ovimbumba vya Namibia nai mbiheri motutu twomatiasaneno inga okambumba uriri. “Ohoromende yehi rOvandoitji, okutuurungira momukuranepo waro, una otjinyondi kuna ohoromende ya Namibia okuhumba oviwana mbyaihamwa.”
Momatjangwa inga wotjivara otjimbumba tja Rukoro the peraisire oukahu kutja: “ Matukara ama tukongo kangamwa omyano avihe ohepero kutja ohoromende yoye isute.” Posyo vaweza oku tokoka ozohoromende azeembari inÿa okuriyaruka mourekoto wazo okuripurira kotjavivi tjokupatera pendje. “Matukara noupupurukwe okutiasana oveni nonoromende yetu otjovandu mbutuna onÿero.
Tuna ombango okutiasana ovi¿enge vyomakarero mo norupa wohoromende yetu, nugwari ndoovazu ozohoromende azeembari kozopupuruke tuna ousemba wokuripahera ombwiro.”
Vapambarere kutja mapekara nao nai tjinga pautu okumunika ovika¿eno vyo mbameno pokati koviwa¿a mbyaihamwa novimihoko vyarwe mo Namibia, mumuna Ovandoitji. “Ozombameno azehe moviwa¿a mbyaihamwa zekurirako na pokati kovimbumba mbiyandja oruvara kongaro yohoromende ya Namibia yokupatera pendje naimba mbevanga kutja vekare oveni norupa momatiasaneno wotjisuta. Ohoromende ya Namibia tjingetjo yakuramena nokuhina okwiivaiva okuhungamasana noviwa¿a mbyaihamwa ndoovazu ongaro indji maikayenda komurungu.”
Komurungu womahakaeneno inga kuna otjimbumba tja Rukoro, Polenz puna Schlaga wa hakaenene kuna Operesidenda Hage Geingoba, o Ministera yOvitjitua Vyomberro yOperesidenda, Frans Kapofi nomukuramenepo wa Namibia kehi rOvandoitji, Andreas Guibeb. Wayandjere orutuu ndwaihindirwe naro iyo peresidenda yehindo, Joachim Gauck, ma raisire kutja matjiwa ohepero yomatiasaneno neye uye kongorera popezu. Polenz wa¿unisire kutja Otjitiro Otjindjandja epu ku ku hingirwa tjinene iyohoromende nondjuwo yozoveta yehi rao novengi vezera kutja tjiyetwe kotjikoro nouÞoni.
Ngunda aperi nao o Nampa yatjanga kutja Polenz matja ohoromende yao yeriyandjera komahunhiriro nu ktuja hapo ondjesiro maikanapi otjina nai kukuhungirirwa. Watja omerirongerisiro komatiasaneno yekayenda nawa novimbumba avihe mbiri muwo via twapo ombepo ombwa yomatiasaneno. Pobmongarero yozombuze Oritjatatu, Polenz watjere oruhindo rwa Namibia momatiasaneno oku tuurungira momuhinduwa wapeke, Onongo Zed Ngavirue, wemupere omatjangwa wokotjiveta wohoromende ya Namibia motji¿a ihi. Polenz kanaa waraisire oura womatjangwa inga. “Omatiasaneno inga wotjisuta tjo TjiÞiro Otjiandjandja matjitiza otjiundikwa kangamwa oruveze nganduu tjitwamunu ovihape mbyetupwire atuhe. Tuungura nomasa oku kondja kutja momayandero wombura indji tukare notjina meke,” Polenz matja.
“Matuvanga oku kara notji¿a meke tjitjina ombwiro kotupa atuhe tuturi mutjo, mumuna ozondekurona zoviwa¿a mbyatunwa. Ozondero zetu okuhara otji¿a meke otjiwa tjiwa komayandero womatiasaneno inga. Matuvanga kutja auhe ohoromende ya Namibia novakuramenepo vyoviwa¿a mbyaihamwa verire ovataare.