I Kae Matundu-Tjiparuro OTJOMUISE Omairo ko zongungu za Werkendam, oku ka tara ofarama Ombara Samuel Maharero ma tu rire indji o Groenfontein, ombonagrero yo vanane, oma yatero wo zombaze mo mu zaro wombazu oku toorora omberipa yOvaherero mo mahi wo zonganda no mahungi okuza ko va nangwa peke peke oo vinenge vyo ma wo ronganeno wo zendekurona zOvaherero o mayuva wo masuviro inga mo Lephalale mo Rukondua rwa Limpopo mo South Africa. Ovitjitua imbi potjikando otji tjaine ombura indji ma vi wo rongana kehi yembo ro tjikoro ndi maritja: “Pahee Omahungiriro wa Kumwe: Ondengu Yetu Otjovandu Nga I Kotoke, Kwambee ko Omaraka Okuza Komahi wo Zonganda Ngunda Ngehiyazuvakwa”. Kozondekurona zOvaherero mo South Africa ma ku keri kwamba za Tjauana na Namibia. Erero ovayenda otji va utire oku heruka no ku ya kurwa mo South Africa. O ma yakuriro inga ma ye kayenda ko murungu nganduu ku ndiondi tji ma pekara oma yakuriro kotjiveta po ruveze ro ma sekirisiro wo va ryange indui o Manketi Lodge. Ndinondi ngurova ma pe tokerwa oma yatero wo zombaze petuwo ro meri naneno ro tjiwana tja Maropong okuza mo hamboumwe yo mapeta nganduu ongurova tji ya kurupa. Ososerekaze ndu ma zekara norupa mo ma yatero inga ozo pokati kozombura o 18-35 nu za sere oku kara mo muzaro wo mbazu. Muhuka kombunda yeriro romuhuka ovimbumba otji mavi karyanga ko farama indji o Groenfontein ngunda wina oruveze tjingero a pena ombongarero yo vanane oku za mo muvyu wo muhuka nganduu mo muronga na imwe. Kombunda yeriro ro mutenya omahungi otji ma ye utu okuza mo imwe nganduu mo hamboumwe. Ongurova ya rovyungura ma tokerwa oma nyonikisiro peke peke tjimuna oviritje. Osondaha mo mbo ovimbumba otji ma vi ritupuka ko zo ngungu ama vi hongo rerwa iyo mbara yOvaherero mo Tjauana na South Africa Kaumo Maharero. (Ongoro) (Ovatange) (Ozoimbure)