OZOMBUZO-VINDIMBA- Ombara Otjitambi yOvaherero, Ohahende Rukoro, matja Ovaherero vaurua nambano nondatumisire yohoromende.
Omambonga weyetenene mOvaherero nOvambanderu omasere Osondaha ndazuko muno pomazemburukiro oyetjamurongo womunue kebmoworuyano rua Zombuzovindimba. Rukoro matja kenohange nomunao ohoromende mbuiitumba Ovaherero, tjinene tjitjatjama novitjitua viawo viombazu. “Mbatjita omaningiriro ko Ministera yOmananeno wOtukondua nOzongomainde, Omakuizikiro wOmaha nOmekurisiro wOkombanda, Majora Ngenerara ndjaheruka kotjihavero, Charles Namoloh posia otjiveke tjitjazuko mbemuhindira omundu neye araerua kutja omaningiriro inga mayepanÿua,” matja.
Momaningiriro inga Rukoro waraisire kutja una ovemukongorere motukondua tua Maheke, Otjozondjupa, Erongo na Kunene posia kokukumua kue omaningiriro inga yapanÿerue mena rokutja muna omauhonapare warue wombazu motukondua itui.
Otja ku Rukoro ohoromende maivanga okutizira Ouhonapare wOmbazu wOvaherero mOmongua uriri tjeri otjina eye tjehinba okuiitavera ko.
“Tjimbahakaenene nOmutjagerepo Omunene wo Swapo, Nangolo Mbumba, otjiveke tjitjazuko mbemuraerere kutja Ovaherero vetatumisiwa posia nambano eÞe tuaurua,” matja. Matja waningirire Mbumba okukaraera Operesidenda Hifikepunye Pohamba naingui ngumeyarukire motjihavero Onongo Hage Geingob kutja Ovaherero vaurua nondatumisire tjiripo nai yohoromende ndjiripo.
Eye atjavanga okuzuva eziriro ra Namoloh “nu ndoovazu omaningiriro wandje kayeitavererue tjimetjiti okutoora orutuu indui ei kondua yatate omayuva womuna womundu, ekanua omaere tjazumba atuhakaenene motjombanguriro ombura ndjimaiyende,” eye watie nao.
“Tjimevanga okuza kotjiwa¿a ihi ohambuaraka¿a yozongombe kutja turuise ondatumisire indji,” matja.
Tjapaherue okuzirira kotji¿a ihi, Namoloh matja omaningiriro inga meyetjiwa posia eye ahakara noupupurukue wokuhita muwo. “Ndoovazu Rukoro matjiti omaningiriro wokuyarukira po Riruako, okutja marire otjina tjokutoora nokutuapo nu ndoovazu kaperi nao eye uri poruveze nduheriro ngahino atja hakaena nOtjirata tjOvanane vOmbanzu,” Namoloh wakuambereko Rukoro.
“Tjimeyenene okukuraera okoo kutja ndoovazu Rukoro mayarukirepo Riruako ihi marire otjina tjokutoiora uriri nokuyarurapo posia nambano ove kemupure kutja watjiri omaningiriro kutjike,” waweza ko. Komurungu Rukoro matja otjiungura tjokumutuirisa tjombara tjaarurua ombunda okuundja omazemburukiro wohoromende otja tjipaso okukara moveta. “Metjiwa kutja otjingi tje¿u imba mamuvanga okutjiwa kutja omatuirisiro ya Rukoro yeri muru¿e posia ami nouhonapare wOvaherero wOmbazu tueripurire okungunda amatuturike ozondando inÿa nganduu kondjivisiro yarue,” Ohahende Rukoro matja.