Festus Hamalwa
Commissioner Armas Shivute wopolifi moshitukulwa Oshikoto okwa koleka omakwatonghonga a ningwa omexuliloshivike. Okwa hokolola kutya ovakainhu ove li natango tava twikile okuninga oihakanwa yomakwatonghonga moshitukulwa shaye.
Shivute okwa ti okaana kokakadona keedula di li nhano oka longelwa oilonga yomunyonene paixulo komulumenhu weedula 29 momukunda Eengodi moshitukulwa Oshikoto.
Shivute ta ti okaana aka okwa li taka i keumbo lainakulu noka shakaneka omulumenhu mondjila ndele teka kufa po nokuya nako keumbo lavo, oko e ka ndele twala monduda yaye yokunangala, omo eke ka kwatela keenghono.
Shivute okwa hokolola kutya xee yokaana aka ka kwatwa onghonga okwa landula eenghaku domulumenhu ou fiyo omonduda omo a hanga okamona. Xe yokaana okwa shivifila opolifi nomulumenhu ou okwa kwatwa po. Omakonakono opolifi otaa twikile.
Shivute ta hokololwa vali oshiningwanima shikwao shekwatonghonga olo mukainhu weedula 31 a iwa naye moixulo shihe li pahalo laye komulumenhu weedula 25 momafiku 05 Febuliali 2021 momukunda Onampengu, moshitukuklwa Oshikoto.
Otaku hokololwa kutya omulemhu ou okwa ningila omukainhu omatilifo ndele te mu kwata keenghono nokuya naye moixulo. Omulumenhu ou okwa kwatwapo kolilfi nokuli modolongo.
Onghundana imwe yekwatongonga oyakolekwa komupedu commissioner Eratus Iikuyu wopolifi moshitukulwa Erongo, ya ningwa moKaribib, molukanda ledina Harambee omu ta hokola kutya omukainhu weedula 27 okwa kwata onghonga mOlomakaya ladja ko.
Eratus ota ti omukainhu ou a kwatwa ongonga okwali a kolwa a nangala monduda yaye, omo omulumenhu oo e shivika a ndele tainaye moixulo. Iikuyu okwa ti opolifi oi li moilonga yokukonga omulumenhu ou. Ta lifa kutya omulumenhu ou a kwata omukainhu onghonga oku shivike nawa komukainhu yemwene.