Omulumenhu womukulupe weedula 84 okwa yashwa nondjebo fiyo omefyo omanga omukulukadi waye weedula 92 okwa monifwa oshiponga konima eshi naye a ya shwa.
Oshiningwanima osha ningwa Omaandaxa komukunda Mabushe meumbo lavo moshitukulwa shaKavango East efimbo lokonguloshi.
Nakufya okwa tongolwa oye Mbambi Shinkanda omukalimo womomukunda Mabushe.
Omupopiliko wopolifi omupedu Commissioner Kauna Shikwambi okwa hokolola ta ti oshiningwanima osha ningwa pefimbo ovakulupe ava vali tava li ouvalelo meumbo lavo.
Ota hokololwa kutya omufekelwa okwa ya meumbo lavo noku ya sha Shinkanda monhulo noku li denge po ndele ta xulifa pefimbo.
Okudja opo omufekelwa okwa ya sha yoo vali omukulupe mepepe noku faduka po.
Omukulupe okwa twalwa koshipangelo opo aka mone epango lopaunamiti ashike ota hokololwa e li monghalo i li xwepo.
Opolifi oya hokolola tai ti fiyo opapa ka pena ouyelele tau yandje oukwatya womufekelwa.
Onghee omakonakono opolifi otaa twikile kombinga yoshikumungu eshi.
Lwopokati opo, olutu lomulumenhu weedula ina di shivika ole li tuwa moixwa molukanda Omumbu modoolopa yaShakati Etivali.
Ota hokololwa kutya omulumenhu okwa hangika a djala ombulukweya ina omaluvala eendjila matoka nokambidja ke na omaluvala matoka namatilyana.
Opolifi oya ti fiyo opapa ka pena oyelele kutya omulumenhu ou okwa dipawo kulyelye.
Opolifi otai indile moshiwana opo shitalelepo okila yopolifi mOshakati shi ka tale ngeenge omulumenhu ou omukwapata wavo.
fhamalwa@nepc.com.na