I Roland Routh
OTJOMUISE ± Ovarumendu vane mbekumininua mokuzepa omuporise omuriyandjere wotjiwaøa, Hiambepo Majora Kazeura, Oritjaine ndazuko otjiveere otjikando otjitenga komurungu wOtjiuru tjOvapangure, Petrus Damaseb, mOtjombanguriro Tjokombanda tja Tjomuise komurungu wombanguriro yawo.
Stockley Kauejao (40); Matheu Kakururume (29); Muvare Kaporo (25) na Afas Kamutjemo (38) vatjivisirue kutja ombanguriro yawo yaturikua nganduu komueze mbumauyende tjiyeri 22 tjimapeye kukara omahaameno warue wokomurungu wombanguriro pumavepewa omuvepangure. Kauejao makuramenuapo iyohahende Slysken Mukando ngunda Kakururume ama kuramenuapo i Bronell Uirab nu Kamutjemo aena Willem Visser aveevari imba nombatero yotjimariva tjozombanguriro tjohoromened. Kaporo waraerere otjiuru tjozombanguriro kutja atjazera okuripahera ohahende omuini posia otjimariva tje katjina kuyenena. Otjiuru tjozombanguriro wa kuameberereko Kaporo nomasa okupaha ohahende yohoromende posia eye apanÿere pongurameno ye amatja ndoovazu kena kuripahera ohahende ye omuini okutja maÞo okuriruisira otjiposa tje omuinui.
Ovarumendu aveine imba vakuramenua iyomarondora wokuzepa, ourunga wovinamuinjo nokunata poo okukondja okunata oveta.
Ovakuminimua avehe imba kuza vari norupa mondÿro oyaukise ya Kazeurua nomaÞukuÞuriro worutu rue, eye nguaatjiukirua nawa kokuruisa ourunga wovinamuinjo mozondendera maÞira.
Orutu romuyaruke Kazerua ruavasewa momuina wondjimbandjimba tjiyari 7 ku Rozonÿu ombura ndjazuko arua njosiwa ohinga indu eye omayuva kaatjondumba komurungu wa nao tja tjivisiwa okuzenga.
Otja komarondora, Hadley Mwashekeleh, nguri omuini wozongombe nÿavakerue, wari aayazema omario mofarama indji o Rembradnt mozondendera za Pako. Kaporo aa ungura puye nonguaatjevere ozongombe ze ngunda Kakururume aa ungura pofarama oraranganda, indji o Brazil, oyo ndjiri yerumbi ra Kauejao. Maperaisiwa kutja Kamutjemo epanga ra Kauejao.
Otja komarondora Kauejao wari aatanda okuvaka ozongombe nu munao apaha ombatero ya Kaporo na Kakururume.
Oruveze indui tjiyari 6 nganduu 10 ku Tjitarazu mo 2012, Kaporo na Kakururume vataurisira ozongombe o 15 za Mwashekeleh mo Rembrandt nondando yokuzetuara koruseinina ko farama indji o Groot Ums, mozondendera za Kazize. Ofarama indji Kamutjemo nongundue omaavetumbire nu ozongombe inÿa zakavaza kuyo mu Tjitarazu mo 2012.
Munao Mwashekeleh opapahera Kazeurua nguari omukonÿonone wourunga wovinamuinjo omupiuke, okukonÿonona ourunga wovinamuinjo vie. Kazerua makuzu wari mondambo popezu yozongombe inÿa tjinene eye tjaÞa.
Omarondora komurungu mayetja ovakumininua vatiasana okuzepa Kazeurua okumutjayera okuteza ozongombe inÿa, nu Kaporo na Kakururume vemuyarera onguehe navemuzepa nokumusina navemupakere ehi motjinjo kutja ahasuvana. Itji tjatjitua mu Tjitarazu tjiyari 28 mo 2012.
Komurungu makuzu ovakumininua vanata poo vakondja okunata oveta poo okuii kurungisa tjivanjosa etemba romuyaruke, avenjosa nokuhoreka orutu rue, nokuyandja otjimariva ku Kaporo na Kakururume kutja vezenge mozondendera za Pako kombunda yonÿiro yomuyaruke. Tjingetjo ourunga wozongombe nomanjosiro, omanjoneno nomaimbirahiro woutenda womomatui wovinamuinjo, omaÞiziro wovinamuinjo viourunga mofarama indji o Groot Ums, nawina okukondjisa okunjosa omiririro wa Kamutjemo