Omupresidente Netumbo Nandi-Ndaitwah okwa kumaida ovalumenhu opo va xulife po okukala ve li kokule nounona vavo molwashi osha fimana ngeenge okaana ta ka mono ohole yaxe. 

Nandi-Ndaitwah okwa popya ta ti ovakainhu ngeenge va pulumuna ovo ashike a kala tava ungaunga nokuyambidida ounona vavo omanga ooxee ve li komakule. 

Omupresidente edi popya onghela pefimbo kwa li ta patulula ombelewa yoikwameni koNkurenkuru koshitukulwa shaKavango West. 

Oshiwana okwa li sha holoka momwaalu muhapu okupwilikina etumwalaka lOmupresidente wavo. Ovashiwana shomoshitukulwa shaNkurenkuru itashi ka ende vali oshinano shi li okukakonga omayakulu okumona omaufemba. 

Nandi-Ndaitwahokwakumaida ovadali opo va kwashipaleke kutya ounona vavo ova mona omaufemba woshilongo. 

Okwa yelifa ta ti osha fimana ngeenge okaana ke na odjapo yedalo molwashi otashi ka kwafele opo ka mone omayakulo oo aa pewa ounona ngaashi okuya kofikola. Okwa weda po ta ti okaana ngeenge ka kena sha oufemba oha kaka mona oixuna una ta kakaya koiputudilo yopomba. 

“Ounona ove na oufemba wokukala va lukwa omadina, ounona ove na oufemba wokupewa eedja domadalo nokuya kofikola,” ta ti. Okwa weda po ta ti moNamibia omu na okatendo oko ta popile onghalo nawa younona. 

Nandi-Ndaitwah okwa lombwela ovadali opo va kwashipaleke kutya ngeenge tava di moshipangelo ova shangifa ounona nelalakano lokupewa eedjapo domadalo. 

Omupresidente okwa ti oshiwana na shikaleke po ombelewa yavo ya yele nawa osho yo nokukaleka po eameno. 

“Ombelewa ei oya nuninwa okuyandjaneka omayakulo koshiwana. 

Longifeni ombelewa ei nawa okukonga omaufemba,” ta ti. 

Okwa ti epangelo ota li twikile okuyandjaneka omayakulo koshiwana shaashi oshiwana osha opumbwa omayakulo. 

Omupresidente okwa ti ovanhu nava landule omilandu da tulwa po kouministeli ngeenge tava ka konga omaufemba. 

fhamalwa@nepc.com.na