Ovakwashiwana veli 1295 komukunda Maputa moshikandjo hoololo shaMukwe ova pewa oufemba konima va kala tava mono oixuna vehe na omaufembe woshilongo.
Oshikonga eshi osha tameka konima hamushangadjai woSwapo Sophia Shaningwa a pula ouministeli woikwameni opo u ka kandule po eshongo lovanhu vehe na omaufembo komukunda pefimbo loshikonga shoSwapo osho sha li koshindjohoololo Mukwe.
Shaningwa okwa li yoo a indila Omupresidente Nangolo Mbumba noshoyo minista woikwameni Albert Kawana opo va kundafane kombinga yomukundu oo wovanhu vehe na omaufemba.
Elao linene, eindilo laShaningwa ole uya pefimbo opo ovanambelewa vouministeli woukwameni veli moshiwana tava yandje eedjapo moikandjo hoololo. Kuyele oshivike eshi ouministeli owa shivifa kutya ova yandja omaufemba kovanhu vedu dulife po50 000 moshikonga osho.
Omupupiliko wouministeli woikwameni, neameno lokeengamba Margert Kalo okwa ti oshikonga shokuyandja omaufemba koshiwana otashi twikile moshilongo ashishe.
Kalo okwa ti ouministeli wavo otau kwashipaleke okuyandja omaufemba koshiwana molwashi osha fimana ngeenge omunhu e na oufemba.
Okwa ti okuhe na omikanda domondjila pefimbo lokuyandja omaufemba oku li unene eshongo linene la didilikwa kovanambelewa.
Kalo okwa ti pefimbo loshikonga ovanhu vamwe va dja komikunda ngaashi Kongola moshitukulwa shaZambezi ova enda oshinano shile okukango omaufemba koMaputa.
Oshikonga eshi osha tamekele momafiku Febuluali otashi xulu momafiku 30 Juli.