I Kae Matundu-Tjiparuro OTJOMUISE Ohahende yOmbara Munjuku II Ngu-vauva nOmuhoko wOmba-nderu inoruveze nganduu kundinondi uriri okuyauza kutja otjo tjiri ehungi pokati kounane wOmbanderu nOva-mbanderu Ovanamutjemo ratekere nu vena omwano mbumavetjiti kutja ehungi rikaende komurungu poo ngave kahakaenene kotjom-banguriro? Omayuva tjiyari 8 ko-mweze imbwi Otjomba-nguriro Tjokombanda mOtjo-muise otji tjayandja eraa rokutja ovanane vombazu vovambanderu mbaisamewa movihavero vyao veyaruremo movihavero imbi otja keni-ngira rao o 2.1 meningira rao kotjombanguriro. Otja keningira rao ezeva o 2.1 Omuhona Erastus Kahuu-re nozorata zarwe omurongo vaningira otjombanguriro tjiraere Ouhonapare wOmba-zu wOmbanderu nOmbara Munjuku II okuveyarura movihavero otjozorata zom-bazu zouhonapare imbwi. Okununisa eningira rao indi ovanane vombazu imba mo-tutuu ohahende yao ndjiya-hitisa nato otjiposa motjo-mbanguriro yaraisa kutja Kahuure Ojiuru Tjovahona ngunda imbo varwe omu-rongo averi ozorata. Okuza keraa rotjombanguriro nam-bano indi eepuriro ndaingana kutja Otjombanguriro Tji-tjaraa kutja ngaveyarurwe mounane ounane une nu kehi yoveta ine. Ovanamutjemo vetja oumounane imbo ou-kuru kehi yoveta indjo unguru puma peheee kutja Kahuure mayaruka motjihavero tje o otjo Tjiuru Tjovahona nu im-bo varwe aveyarula mourata wao. Ouhonapare womba-nderu itoroka eraa indi kutja owo tjiwaherura ovanane imba movihavero tjandje okehi yoveta ombe ovanane avehe puvetei. Munao tji-vayaruka movihavero otjo-zorata avehe. Orutuu rohahende yOva-namutjemo, Patrick Kauta, wonganda yozohahende indji o Kauta, Basson na Kamu-hanga, rwahongwa iyo ma-hungiriro omatenga kombu-nda yeraa rotjombanguriro tjiyari omurongo komwze im-bwi ngayandere mo-mapitasaneno. Otjomba-nguriro pendje nokuraa kutja Kahuure nozorata zarwe ngaveyarurwe movihavero vyao nganduu omahungiriro ngumayemunika ayo yeripo tjitjeya kotjikoro, wina tjaraa kutja avihe imbyo vyarwe oavningire mbivaningire kotjombanguriro vingunda amavikurama oure womieze vivari nganduu otjinguriro tjitjahara omuhunga umwe poo warwe. Tjingetjo otji-mariva tjotjiposa ngatjiundje. Pehungi indi nda haa-misirwe iyo Ministera yOkehi yOmamaneno wOtukondua nOzongomainde, Omaya-ndjero wOmara nOmekuri-siro, Kazenambo Kazenam-bo, ominda vya pitasanene mokutja Kahuure ngarire orupa rwehungi poo arire nawina mohepero yoruhindo rouhonapare wOmbanderu okupewa ousemba okuura okukuramena po imba mba-hungamisiwa eraa rotjomba-nguriro. Ngunda aperi nao Kaze-nambo matja Ondjaka mOm-banderu maiyenene okuze-ngururwa porwe indu ominda aviyevari muyo tjivye riya-ruka momitima. Nandarire kutja vyai hihamisasana avi-kondjo okuzemba omihihamo imbi naviripurire kohepero nondengu yoruuwano noha-nge otjo ndjira komurungu. Munao Kazenambo otja tja eye kamupangure kutja nga-hino ombango poo ondunge ye ndjimamunu kutja mai-yama marire oveta na inini-kizirwa koveni vondjakaha ndooovau oveni kave kumuna nao. Watja ombongarero indji kanaa yayandere meyuru nungwari ina pona puyaya-nderere mokutja omunda auhe wapanderere pongura-meno wawo. Munao eye otja hakere neiyarura ku ingwi ngwemuningira kutja marore okuyapura, nguri Ombara Munjuku II Nguvauva. “Mbaroreremba okasara kandje mbapata,” watja. Kutja nambano otjina ihi ma-tjihungama pi otja tjitjayaruka kOmbara nai, Kazenbambo kaari nounongo natja eye mayenene okukaenda komu-rungu ndoovazu ominda aviyevari maviraisa omban-go. Watja “nandaku tuari nombango katja tuyandera meyuru. Hineetja kaimo nu hineetja omwiri pupetapi. Oveni mberi mondjakaha indji ombu maveritjiwa”. Wa-zeri kutja tjipena ovayapure varwe vehakahane okuhita mondjakaha indji nani nga-hino vena omazengururiro nguvenayo. Watja okuyapura otjina otjizeu tjitjiheya okutjaera ovandu vevari mbu-maveru nokuveyeta pamwe. “Omuyapure kakambura omunda umwe omaoko ngu-nda ingo warrwe ame mu-tono,” watja. Waweza kutja koruseinina omasa womuya-pure yena ovayapurwa oveni nu tjivehina okwiitavera komayapuriro omuyapure ndinondi kena omasa. Kazenambo watjere om-bongarero ndja haamisa ya-hanika movinenge vitatu oho-nga yovinenge tjitjari kutja Ombara Munjuku II kepo, Kahuure wina kepo nu no uri-zemburuka wokutja oveni mbatuarasana kotjombangu-riro kavepo motjihungiriro ihi. Watja ombangero yaire kumwe kutja kombunda ye-raa ra Tjombanguriro nam-bano otjina ihi tjatoora omu-hunga warwe mbumauhepa oveni vatjo otja tjivatuarasana kotjombanguriro nu wina eye omuni otjomuyapure mamu-nu kutja ouyapure we kauna omasa kombunda yeraa ra Tjombanguriro. Munao otja yarurire ondjakaha indji kOmbara oini itare kutja nambano ma yiituara pi. Ngunda eperi Otjirata Tjko-mbanda tjOmbanderu tjina ombongarero omayuva wo-masuviro inga mOmawe-zonjanda oku ka katara meraa ro Tjjombanguriro, ozombo-ngarero ndumazekara motu-kondua okuhandjaura eraa ro Tjombanguriro norutuu ro-maamberero wa Kahandja. Otja komuhungirire po wOm-banderu, Uazenga Ngahahe-Tjiposa, Kahuure wina otjorata onene kwa hindirwe omanangero momatjangwa.