OTJOMUISE- Ovambanderu kehi yOmbara yawo Otjitambi, Omuara Aletta Karikondua Nguvauva, mavetja kavenakuyakura kutja ombara ndjiri ongakukiro kutja keyayeneneka oviu¿e avihe otja kombanzu noveta yombazu yomuhoko okomiti ongonÿonone yohoromende otja tjiyazikamisa, i¿i¿ikizirue kombanda yomuhoko.
Ombara Otjitambi Nguvauva watja nao erero pombongarero yozombuze muno pokomando ine yOvambanderu mOmurari imbui o Traugott Handura. “Omuhoko kehi younane wandje moruveze orusupi otja tjimapesorua mauworongana okuhaveha nokuyarukira ongundeveta ndjiripo nai yOvambanderu okukondja kutja ihitasane noveta yetu yombazu nongaro novitjitua viomuhoko motji¿a ihi, tjinene nene tjimatjitjama nomuyaruke woimotjihavero,” Ombara Otjitambi matja.
Wariama komurungu natja owo mavekawondja komeho okukongora omivero vio Ministeri yOmananeno wOtukondua nOzongomainde, Omakuizikiro wOmaha nOmekurisiro wOkozombanda, okukondja kutja ouhonapare imbui otjambuazemburukua ukawondje komurungu okukara norupa mokuyeneneka otjiungura tjawo otja tjiperaisiwa kehi yOveta yOmauhonapare wOmbazu. Tjingetjo omuhoko maukara amau amaurizemburuka nomausemba wawo ayehe mokupaha omazengururiro omakarerere.
O Ministera yOmananeno wOtukondua, Charles Namoloh, Oritjavari rotjiveke ihi otjapitisire orutuu eye mayakurire Omuhe¿endu Kilus Nguvauva otjombara ongekua yOuhonapare wOmbazu wOvambanderu. Ondiero indji yakongorere era rOtjombanguriro tjOkombanda tjiyari 2 komueze imbui kutja ohoromende izemburuke Omukekua Nguvauva. Ohoromende yaharere okuyarurakisa otjiposa ihi posia kombunda aikanauka okambiri kondenja.
Posia Ombara Otjitambi Aletta Karikondua Nguvauva matja ouhonapare we wayendekere ondiero ohumandu indji yo Ministera nongendo onene.
Matja ondiero ohumandu mena rokutja oyo kairondorere kozoveta zombazu novitjitua viomuhoko. Korutjavari ondiero indji mena rokuhina omuheo kwayo yaisa omuhoko mongaro tjingeyo imui muukara wongurunguse nu moruyaveze maituara kozondjakaha zarue tjingezo zomuyaruke motjihavero.
“Ohoromende yetu ngaa yiundjireko kuete okuyakura omaninikiziro wkarive nguamunika kutja kapuirire kehi yozosveta zetu zombazu mena rokutja eye omumbanderu. Mena rokutja ndoovazu tuayakura nao, tjimatutjiti porue okuturika itji tjituaso kutja tuazengurura ndino nu marire okuhina omerizirira omanene okuundurira omutuaro imbui korutanga ruamuhuka uriri mena rokutja ohoromende maipaha ombitirapo ombumbu yoporotika pendje nomazengururiro wepu ndiri momake,” Aletta Nguvauva matja. Matja katjikando otjitenga ohoromende okutoora ondiero ndjihina kuzemburuka ozoveta zomvambuzu yavo. Otjikando otjitenga yari indi oyo tjiyaraisa kutja omuyaruke Ombara Otjitambi Keharanjo II Nguvauva onguasere okuyaruka motjihavero tjazumba kombunda aikanununa ondiero indji. Otjiveke tjitjazuko oongaro ondjakayenderepo ohoromende tjiyayarukisire ko otjiposa tjazumba aitanauka otjokambiri kondenja kutja pekare ongaro ohumandu nai djakarapo yokuserura ondjira yomayakuriro womaningiriro womazemburukiro wOmuhenendu Kilus Nguvauva.
“Tjimatjikutu ozondiero azeembari zo Ministeri inÿa kumue okoo kutja ozoministera peke peke zatoora ozondiero nÿumazepingasana nondunge yovatjiwe poo oumune wotuhindo tuayo oini okuza moukoto.
Korutjavari, ozondanaukiro inÿa mazemunika ayo ouripura wokombunda, mena rokutja komurungu wazo pari omakawondjero nomahakaeneno kaa¿i owo okuzambo ngakongorerua iyo mayarukirombunda, kehi yomapu nai ngeri otjiundikua,” Ombara Otjitambi Nguvauva matja.