Taimi Haihambo 

ONGWEDIVA – Elelo lodoolopa yaNgwediva ola kumaida ovakwashiwana opo va tameke okupungula omeva nokukonga eetenga mwa kwatelwa eendoloma dokutula omeva ile omandini. 

Eshi osha etwa po molwoupyakadi ou wa didilikwa kombinga yomeva aa kala taa pate oshivike sha dja ko ombadiilila, nokwa li a eta oshiwana tashi nyenyeta. 

Odoolopa yaNgwediva oyo imwe ya dingililwa koiputudilo yopombada ine oshoyo eesekundofikola di li mbali. Ngeenge omeva apata ohai nolusheno, noha shi kala shi djuu kovakalimo shaashi vahapu vomuvo iha va kala veshiteelela. 

Omupopiliko wodoolopa Ottilie Shingenge okwa ti omashina aa haa nane olusheno, oo ngaho haa nane omeva shoo vati osho hashi etifa omeva apate oshita nolusheno. 

“Otwa hala oku yandja ombili shaashi epato lomeva nolusheno eli ina tuli monenapo. Osha li shidjuu okushiivifiila oshiwana efiku olo shaashi nafye ina tushi monenapo,” ta ti. 

Okwa ti onghalo yomeva okupata ombaadilia oyo yeva fininika opo vakumaide ovakalimo va kale vena omeva apungulwa. 

taimihaihambo2000@gmail.com