Taimi Haihambo
ONGWEDIVA – Elelodoolopa laNgwediva ola patululila ovakalimo valo otenga yakula yomeva Omaandaxa.
Omupopiliko wodoolopa Ottilie Shingenge okwa ti otenga vati oi li kOmatando meni lodoolopa, noya tulwa ominino dokuandjakanifa omeva meni lodoolopa, osho yo eetenga natango da wedwa po donomhenawina da ningilwa ngeenge omeva a pata.
“Opoloyeka ei oyo imwe yakula yomeepoloyeka edi twe lipyakidila nado modoolopa, di na sha nokuandjakanifa omakwafo koshiwana,” Shingenge ta ti.
Odoolopa yaNgwediva oya kala nokutaalela oupyakadi womeva oo haa dulu okupata ombaadilila, ndele ovanhu kave na apa tava dulu okumona ekwafo lomeendelelo.
Luhapu ngeenge omeva okwa i, ohaa i pamwe nolusheno, shaashi oinima ei ivali ohai longele kumwe.
“Oupyakadi woludi eli paife owe ya pexulilo,” ta ti.
Okwa weda po yo kutya otenga otai ka yandja yo omeva keenhele di li popepi nOmatando.
Otenga yomeva yokuandjakaneka omeva modoolopa aishe oyongushu yeemiliona N$5,3.