Auleria Wakudumo 

Omupopiliko wopolifi yaNamibia Deputy Commissioner Kauna Shikwambi okwa holola kutya opolifi oya tula ovanhu 181 moipandeko momukokomoko womwedi Aguste molwaashi va hangwa nepangwe noingangamwifi ikwao. 

Shikwambi okwa ti kutya omwaalu muhapu wovanhu ovo va kwatwa po, Ovanamibia navanini ovadjaidjai. 

“Opolifi oya tula moipandeko Ovanamibia 178, Omuangola umwe, Omusouth Africa umwe osho yo Omuzambia umwe,” Shikwambi ta holola ngaho. 

Okudja mulotete fiyo okomaandelo aAguste, opolifi oya holola kutya ovanhu ova hangika noingangamwifi yoCannabis ena eekilograma 221 192.53, leepela doMandrax di li 1 062, okaufila kococaina keekilograma 32, emanya lokokaina leeunit 730 osho yo eepela dokukufa mo vati omadimo di li 16. Opolifi oya holola yo kutya oya kwata po ovanhu omuwoi moiningwanima ya yooloka mexuliloshivike molwaepangwe. 

Omapangwe a kwatwa ko mexuuliloshivike okuna ongushu yoshimaliwa shi fike peemiliona N$ 9 169 580. Otaku hokololwa ovalumenhu vavali, veedula 44 no46 Ovanamibia va kwatwa po mOtjomuise moWindhoek eshi va hangwa vati noipakete 10 yepangwe loCannabis. Ava ova tulwa moipandeko Etitano lwopo 05h55 lwaapo molukanda laTjomuise. 

Opolifi oya holola kutya epangwe eli olina ongushu yeemiliona N$9 150 500. 

Omanga ovafekelwa vakwao vanhe nav ova kwatwa nepngwe loCannabis moiningwanima ya yooloka. 

Shikwambi okwa holola kutya vakwao vatatu ova hangwa ve na eepela doMandrax. 

-wakudumoauleria@gmail.com