Ovanyasha va dja modoolopa yaUtapi ove li unganeka okuwapaleka odoolopa yavo nelalakano lokukalekapo efimano loukoshoki. Ongudu yovanyasha, okwa li ya waiminwa kovakwashiwana noshoyo kungoloneya woshitukulwa shaMusati okuwapaleka odoolopa Etivali. Ngoloneya waMusati Erginus Endjala okwa ti ovanyasha otava ulike oshihopaenewa shiwa moshiwana molwashi oukoshoki owa fimana.
Okwa pandula ovanyasha nokuvatwa omukumo okutwikila okulonga nondjungu okuwapaleka odoolopa. “Osha fimana ngeenge hatu ka lekei po odoolopa yetu ya yela,” ta ti.
Omukwateli komesho wongudu yovanyasha vakwao, January Ivula okwa ti neudo otava ka ninga omaulikilo oipindi modoolopa yaUtapi ashike osha fimana opo odoolopa i ha ngike ya yela.
Okwa ti omaulikilo oipindi otaa ka tameka oshivike tashiya omo ovanyasha tava ka landifa oilandifomwa yavo. Omaulikilo oipindi ovanyasha otaa ka kala kendiki lolOfuko.
“Otwa ya kula nale omaindilo ovanyasha 300 tava ka landifa oinima yavo komaulikilo oipindi,” ta ti. Okwa weda po ta ti ovanyasha 50 otava ka ndja koitukulwa ya yooloka okukufa ombinga komaulikilo oipindi. Okwa pandula ouministeli wovanyasha nomaudano molwokuyambidida ovanyasha ovo tava ka kufa ombinga koipindi.