‘Onde ke litonyena ashike mokandjuwo, handi djala
ounailona vavali veemboloto keemhadi, nde vahanga pedu
va kwafe nge koutatala…’
Epangelo ola patulila oshibofa ovapolifi vahamano hava longelele komhangu yopedu mOshakati, shaashi vati va dimbwa omunadolongo mokakololo kokutula ovanadolongo pakafimbo, oule weevili da koya po 24.
Omolwa onghalo oyo yoku dimbwa omunadolongo ou okwa ninga omafiku aeshe eli avail ina makela sha.
Otaku hokololwa Sonia Nghituvali Simon (29) a nangekwa mokakololo oko haka tulwa ovanadolongo pefimbo va teelela omalweefo avo oku ya momomhangulilo. Oshininganima eshi osha ningwa pefimbo lokufu, oufiku aushe kali na ekumbafa, ina lya sha, ye ina nwa sha.
Omulunhu wopolifi moshitukulwa shaShana Commissioner Sakaria Naftali okwa ti oshiningwanima okwe shi uda, nota yandje ombedi kovapolifi vali molufo efiku olo molwa ouhasha wavo, noku heli tul mo moilonga.
Okwa popya yoo okutya eshi osho oshiningwanima shotete sholudi eli ta lopotelwa nghee e uyile moshitukulwa shaShana, nota pula ovapolifi veli pake mo moilonga yavo, opo va kelele oibofa yoludi eli.
Moku dimbuluka efiku loshiningwanima, omukainhu ou okwa ti, mo27 Juni 2023, okwa li eke li lopota komhangu yopedu yaShakati oko a li a na oshibofa.
“Efiku olo kanda li ndishi ngeenge ohandi pewa ehandukilo, mupya munene oinima inai ka enda vali nawa. Ondaka monika ondjo, ndele handi pewa ehandukilo leemweedi hamano,” Simon ta ti.
Eshi a monika ondjo, omukainhu ou ina efiwa vali a ye keumbo, ashike okwa kufwa mo momhangu noku ka patelwa mokakuma kopakafimbo, ye ngeno a teelele a kufwe mo nee a twalwe kodolongo.
Ta ti oshibofa shaye osha pwa po10 wongula, ta twalwa nee kokakololo a teelele a ilwe ko kopolifi imutwale kOluno.
“Nghee nee nda uhala meesela omo fiyo onhano yokomatango tai denge. Eshi ndi wete omalinyengo ovanhu taa ninipala onda tameka oku ndjunga ndjunga omivelo, ame handi ifana ovapolifi ashike kape na ou eya kwaame. Eshi ndaka mona taku laula novanhu vaya, onda kamona kutya ova dimbwa nge mo,” ta hokolola.
Okwa ti oufiku oo okwali kuna outalala wamatutu, shaashi opokufu kwa li. Okwa twikila kutya efiku olo natango nghee ngaho kwa shile a mekele sha, moo vati meesela kamu na nande oyo opomba yomeva a tye nande otanu omeva.
“Onde keli tonyena ashike mokandjuwo, handi djala ounailona vavali veemboloto nde vahanga pedu keemhadi va kwafe nge koutatala, shaashi okwa li ashike ndili moutapa. Kwa kwali ndadjala oinima youtalala, shaashi kandali ndishi ngeenge ohandi kapewa ehandukila lange,” Simon ta ti.
Okwa ti yoo outalala womosela fiku olo owe mu shita nai molutu, woo ye okwali a kwatwa koumbada molwa omilaulu, odo nokuli fiyo onena hadi mu etele oumbada shaashi ode mu ya komwenyo.
Okwa hokolola kutya efiku lakandula eshi ovapolifi veya, ove mu hanga ashike natango mosela, ashike kape na nande oumwe a tonga sha kombinga yomunadolongo a fiwa meesela.
Okwa twikila kutya, efiku olo tuu olo natango kohofa okwa kailwa ko moshanga shomutenya, a twale amanga vati koshitaashi yaNgwediva, oko a hanga ovanhu vamana nale okulya omusha.
“Eshi ndaka ya kOluno komatango natango onda kahanga nale ovanhu valya ouvalelo, onghee onda ninga omafiku avali inandi makelasha,” Simon ta ti.