Kakukutu komatanga opolifi Inspector General Joseph Shikongo okwa kumaida ovapolifi opo va kale tave li tula mo meetundi odo hava pewa efimbo ve li moilonga.
Shikongo edi okwe di popya pefimbo kwa li ta patulula omadeulo ovapolifi ve na eeranka dopedu loucommissioner moTsumeb kuyele oshivike eshi.
Ovapolifi ve li 22 otava kufa ombinga momadeulo oule womafiku atano.
Okwa ti elalakano lomadeulo okuyandja ounongo kovanambelewa vopolifi opo va kale va ne owino yokuyandja omayakulo a yooloka moshiwana nonghee ve na okulonga na vakwao koitaashi yopolifi nomeembelewa. Onghee okwa kumaida ovapolifi opo va kale tava kufa ombinga momadeulo a yooloka e na sha noilonga yavo. “Omadeulo otaa yandje eetundi kombinga nghene omupolifi e na oku li umbata ngeenge e li na vakwao, nghene omupolifi e na okukala omuleli wa vakwao noshoyo tuu,” ta ti. Onghee okwa kumaida ovapolifi ve li komesho ya vakwao mokelela opo va kale ovaleli vo shili nove na elongelokumwe mokutopolafsna ouyelele.
Okwa ti omadeulo aa otaa kala taa ningwa omudo keshe taa pewa ovapolifi veeranka dayooloka.
fthamalwa@nepc.com.na