ONGWEDIVA- Elelo lodoolopa yaShakati ola eta po efimbo lefilonghenda kovakalimo valo ovo itava ka futa oishoshela keengunga domayakulo.
Efimbo lefilonghenda eli otali ka kala ko pokati kaSepetemba 2023 fiyo oJuni 2024.
Omupopiliko welelelo doolopa Katarina Kamari okwa yelifa kutya elalakano okuyandja omhito kwaavo vena omavalulo eli konima va dule okufuta moule wefimbo olo.
Ekufe po, loishoshela ola kwatela mo omaumbo, eefikola, eengeleka, eengeshefa, nomahangano epangelo naa eheshi epangelo.
“Odula yadja ko elelo doolopa ola li la ninga onghendabala yokukufilapo oishoshela yovakulupe, ashike ovakwashiwana ova kala tava nyenyeta kutya navo ova hala okupewa efilonghenda eli,” Kamari ta ti.
Kamari okwa twikila kutya elelo doolopa ole shitula moilonga, la tala kekonomi loshilongo olo la shunifa oinima ihapu monima nopedu yoo imwe yapata ngaashi eengeshefa.
Okwa twikila yoo kutya eendjo doishoshela edi dapumbwa okufutwa kovakwashiwan oda fikama po N$80 224 301, odo natango tadi twikile nokulonda keshe omwedi shaashi ovanhu itava futu.