Jazema Hangero
Otjiwa¿a matji urakana nouzeu wourunga vovinamuinyo motukondwa twavo.
Ovatumbe vovinamuinyo mozondendera za KondjaÞu, Okamatapati, Okotjituuo na Tjinene mave tja va urwa novinamuinyo vyavo mbi vakwa ohamunyonene kombunda yaindu tji pa vazerwe omitundu vyozongombe pokati ka Tji¿ingandu na Tjitaazu mOtjinene.
Ourunga wovinamuinyo ongendo tjinene mouparanga wehi, nu nai oruveze rwa horo ovaÞuta okuya pamwe kutja ve pahe omazengururiro kouzeu mbwi.
Otjiwa¿a tja hahiza omaunguriro wovaporise orondu omuhakerwa mourunga u kamburwa ndino ndi muhuka a pitisiwa tja sutu otjimariva tjokungunda ama kaundjira otjiposa pendje.
Tja pitisiwa ka person ombo tjandje wa korwa rukwao mourunga. Nandarire omukumininwa mourunga ngu noviposa ngandu ku vine nokombanda mouzeu umwe wourunga wovinamuinyo u pitisiwa okukaundjira otjiposa pendje.
Oporise i nouzeu wovikwiririmba, tji ya ningirwa mamu sokuungurisa otjikwiririmba tjakaa¿i ngo i panÿa orondu opendje noveta yomaunguriro wayo. Okutja oporise tji mai tjanga oviposa kai tara momambo wayo woviposa ovikuru ai munu kutja omundu worive ngo u noviposa ovingi ka sokupitisiwa.
“Arikana tu vateree oveta yourunga wovinamuinyo i Þunwe,” Omutengwa Mbajoroka Kambausuka omuture nomuÞuta wa Kuenje mOkondjaÞu me riyarika¿a nao.
Komurungu ma raisa kutja ngahino oungundipare u ri motjiwa¿a tji tji ha kongorere oviposa popezu kokutja ve tjivise kozoporise kutja omukumininwa woharive ngo u noviposa ovingi rukuru.
Otjiwa¿a tji kondja pu matji yenene, ve novimbumba mbi kondja okutjevera okuhenununa ourunga wovinamuinyo posi ya ou¿epo u pita koumwe umwe orondu kamu nozombwiro, kave sutwa tjazumba ve huma nokuhembwa i yovandu mbe kawondjisa ozondjito nÿo. Oungundipare warwe mau yaruka kovaÞuta oveni mbe ha tjevere ovinamuinyo vyavo.
Omutengwa Uanee Mieze ma raisa kutja ombandjarero onene komuÞuta, kotjiwa¿a ngandu kehi okupandjara ovinamuinyo mongaro ndja sana ngo tjinga ongombe ai yandja ohambwara¿a komekuriro wombwiko mehi. “Ongombe ouini wetu atuhe tji matu i pandjara momuano mbwa sana ngwi matu pandjara ehupo. Ngatu sekamene ourunga wovinamuinyo momakondwa ayehe, ngatu pasane ozondunge zokukambura nokupenga ourunga mbwi.”
Oporise mai tja erunga ri nousemba wokutjita omaningiriro okukaundjire otjiposa pendje.
Ovarapote voviposa ve isakisa oviposa ape kasana aayo oporise kai ungura oviungura vyayo.
“Tjazumba eÞe tu ri kamwaha otjiwa¿a tji tja sekama atji tu pe oumune poo omapu wokutja ongwaye tji matu sokuÞizira omarunga motjovakamburwa ngunda ave hi ya munikwa ondjo,” omuporise umwe ma tja nao.
“Ouzeu wourunga wovinamuinyo tu kondja na wo tjinene pamwe notjiwa¿a, tu kara notukosi mu tu honga otjiwa¿a ohunga nomirari vyokutjevera ovinamuinyo nomirari mbi kawondjisiwa momarapotero woviposa,” ma tja nao komurungu na zeri kutja oporise notjiwa¿a ve kamburasane komaoko okurwisa otji¿a hi, kutja korukuru ape ha kara omaurukisaneno womimwe.