I Kae Matundu-Tjiparuro OTJOMUISE Motji kasuka tjatjo otjitenga mo ngondjero yoku tjurura o u runga wovinamwinyo otjimbumba tjo vatuta mo u tukondua wo matoororero wa Tjinene na Pukiro tja purukutisire epango rova hakerwa mo u runga wo vinamwinyo mo zombokoto mu ratara. Ounepo une mbu ma u hakwa otjo unepo we pango indi nderi pahera okasavero ko mapundiro wovinamwinyo pokati ka Pukiro, Otjinene na Kondjatu, wa kamburirwe iyo tjiwana po Kazapamba tji yari 30 ku Tjitarazu na tji ujandja ko uhonapare. Uvari warwe wa kavazerwe kOmatanga mehi ra Kakarara iyoporise. Omututa wa Tjijarua ngwari a ma paha ovinamwinyo vyao wapingenene netemba nda turike ozongombe ndatu pokati ka Tjijarua na Tjombundiro. Otjimbumba tjo vatuta wina tja hakaenene netemba tjingero nungwaro tjandje muna ongombe imwe uriri. Okuzambo etemba indi ra hungamene otjikamba meyuru. Otjimbumba tja wirire mo ndambo yaro atji teza teza nganduu ko Tjinene ku tje keri vazere ongombe imwe ama a yarandisiwa ko muna ngetjefa ombakere yomaze mo matemba omuvapa. Ngunda aperi nao otjimbumba tjo vatuta tja hungamene ounepo uvari o u tjiukwa mo ututa me Pukiro na Tjinene ohunga nongombe ndji hina ouhatoi ouwa. Otjitemise umwe okanepo ko tjimbumba ihi ngunda warwe wina a eri omuhenendu mo Tjinene otjo munane wombazu. Ovatengwa imba Mbaari Kandirikirira na Hau Katjatenja nai verisutire okukara pendje no uhopare ngunda oporise ama ikondonona otjina ihi. Oporise ngunda ka i yazirira kotjina ihi tjinga omuhungirire po wayo mOtjomuise Hironymous Goraseb aa ri amaundju ondjivisiro komberoo yo porise yo rukondua rwa Maheke mEpako. Otja komazuvira epango indi ripenga oveni vo vinamwinyo pomarandisiro tjinga mbya pundua mo resevate imwe avi karandisiwa koreseveta yarwe. Ova hakerwa mo u runga imba ve randasana no kurandisasana ovinamwinyo mbi vavaka mo zoresevate zawo peke peke. Otjmbimbua tjo vatuta ihi tja sembamisirwe kombunda yo mayuva wo ngwatero yomuna womundu pombonangarero pokati kovatuta va Pukiro na Tjinene ndja haamene mOtjiwarongo tja Pukiro tjiyari 27 ku Tjitarazu. Nandarire kutja pekara okomoti yarwe tjingeyo pa munikirwe ohepero wokomiti ndji ma itaea movyungura vya indji ndjikarapo noku nununga ondjira komurungu namo upupu no uzeu wo masembamisiro wa indji yo pokati ka Tjinene na Pukiro. Ngunda okomiti indji a i hiye rikuramena kozombaze ombongarero indji yamunine ohepero yo tjiwana oku ngunda ama tjitjevere o u runga wo vinamwinyo. Munao otji pazikirwe okomiti yo unepo 15 wa Pukiro na Tjinene. Ewe etenga okomiti indji ndji ya u mbire mehwa orondi nda sesurire epango indi. Okutunduuza ovyungura vyo tjimbumba ihi ovatuta vayandjere otjimariva atjihe kumwe tjondengu yo N$2,600 ngunda vevari avari ova pupurukwe kutja omaetmba wao ye ungurisiwe ko ku tjevera o u runga.