I Kuvee Kangueehi OTJOMUISE O Ministera yOvyungura nOmbwiro yOtjiwana, Alpheus !Naruseba, Oritjavari kombunda yomaundjiro wa tuiire kotjiriro mOmbongarero yOtjiwana Oveta Orundurure yOveta yOvyungura. Oveta orundurire indji ndjiri oveta ondenga okutuwa kotjiriro mo mahaameno oyetja tano yOndjuwo yOzoveta oitja ine, ma i tunu ko vinenge vyo tjikoro mo tjitamba tjo vyungura tjimuna omazengururiro wo zondjakaha, omayuva wo u tumbapare nawina wo masuviro wombura. Oveta indji yasere kutja yeya kotjiriro ombura ndjazuko posyo a i wombo mena ro ma kondononeno wo ministeri indji no tupa otuna rupe mumuna ehika rovaungure no ro vaungurise nga kambura orure. Tja tuiire oveta indji kotjiriro !Naruseba watjere yari ohepero okutara moveta indji rukwao mena ro mapandero wo kovyungura wo vaungure omare ngatuna komekurisiro. Watjere oveta indji kaina kupitasana pupetapi na indji ongura novinenge ovingi muyo vyari mOveta indji yo 1992. Watjere mbihepwa motjitamba tjovyungura mouye wo tjirarakaneno otjitue motjitamba tjombwiko vi tanauka eyapa yuva. Munao otjarira ohepero o kuyarukira oveta indji onguru. “Ingwi okutjita kutja omazeva wotjitamba tja Namibia tjovyungura aye ha sewa kongotue nu ngwari yekare po mirya otjitamba mbi matjihepa no kutaviza wina kouhepe wa muhuka no kuyandja o hazeu kozondando zo me kurisiro.” Tjaraisire ovinyoko tjiva vyo veta indji,!Naruseba watjere ma i yeta omwano omupe mo mapengero no mazengururiro wo zondjakaha omupwe, wo hakahana nu mbu ma uungurisa otjimariva nawa. Oveta indji ma i homona ozondjakaha ozonditi mo vyombanguriro na ize tjindisire komberoo yo mutjevere wo zondjakaha zovyungura okuyapura no ku hanganisa.Wina oveta indji ma i neneparisa orupa rOtjirata Otjiyandja Ndunge mo vitjitua vyo vyungura tji ma isembamisa Okomiti yOmapengero nOmazengururiro wOzondjakaha nawina Okomiti yOvyungura Ovinahepero. Tjarwe otjinahepero oveta indji tji ma itie omayuva wo u tu mbapare. Oveta yo 2004 iyandjera ovakazendu okusutua ondjambi yao okuura ngunda averi mo u tumbapare posyo mena ro u zeu oo imba na mbena ezeva indi ari haungura. Ombungurwa veta indji ma i yandjere kutja pekare ondjambi okuura mo u tumbapare. Wina ma i yandjere kutja ovakazendu avehe ve yenene okupewa omayuva wo u tumbapare kombunda yomieze hamboumwe mo vyungura.