Jazema Hangero 

Kuaima Tjaronda omuture wa Tjimati ngu kondja ouwa nomake ma tja, oviungura vyokomake outumbe komundu kourike, kotjikutu, otjiwaṋa nehi arihe. Ehi retu okuhina okuyandja ombango koviungura vyokomake okuza ngaa ehi ara kutukire pa yeta kokutja Ovatjina nOvazimbabwe veeku honaparerapo ovakwatera va Namibia moviungura vyokomake. 

Kuaima Tjaronda wa kondjisa omahongero otjomundu auhe ouparandu aha toṋa okuyenda kondondo oitja 11. Ouyenda we womahongero ave haṋikire mbo kombunda okukerirora pOnamcol naṋi ma tuurunga ondondo oitja 10. 

Kuaima Tjaronda ma tja ehupo karari epupu kombunda osikore, oiri imwe aa rarere kokamberei t jena rarwe otjikundu posi ya otjomundu omurumendu wa kondja kutja a ha rara nondjara. 

We tji kondjisa okuhora ozondjise ponganda yozondjise ya Scara Kajau mOtjomuise. 

Mena rotjimariva tjokehi tja munu mokuhora ozondjise, wa muna kutja ma toora ondjira yarwe, otja hungama kokutunga. Kuaima Tjaronda kerihongere oviungura vyokutunga, we ritwa mo uriri, tjandje ponganda mape sokutungwa ondjuwo. 

Mena rombango opa toorera otjiungura hi nga kundino ndi. Kamunguu na Tjoponi Katjiuanjo ivemwe vovandu mbe mu pa ondunge oimba na mbena nokumuvatera nomambo nga tjama nomatungo kokutja ma tjoze ounongo nondjiviro. 

Otjiuru otjarazu tje ndji i vatera kutja mbi toore nokurohonga  oviungura mbi oupupu, tjazumba onganda ndji NTA ye ndji paturura omeho moviṋa ovingi tjimuna okurekena ozohima, ozosamende na ngamwa ovitunge mbi mavi hepwa kondjuwo. 

Onḓikameno yondjuwo mai sokuṱeya pi kokutja i tjinde ondjinda/ohaveha yondjuwo. Kuaima Tjaronda ma tja. Omatokero nge ri mo irira ouhepe woviungurisiwa mbi za kokure, otji vi katjita kutja ma ture rure potjirongo poo ponganda pu ma tungu. 

Otjiṋa tji tje mu ṱiza moviungura vye mbi ma tja omuretima, okuriheka, okurira omukarere nokuriwisa kehi yomundu pu ma ungura kokutja eye komayandero weyuva ma mune imbi mbi ma zeri noondarire kokutja omundu pu ma ungura rumwe ma kondjo kutja ve pitasane. 

Omahongero kaye zu mosikore uriri. Kuaima Tjaronda ma munu kutja otjiṋa tjimwe tji tja wombisa Onamibia momekuriro omena rokutja kari utirire pondondo ondenga yomahongero wokomake, orondu oviungura vyokomake avi varwa kutja ovyovandu mbe hi nozondunge otjiṋa hi tja tjita kutja ovandu vomahi warwe tjimuna Ozimbabwe ve ye ku kambura oviungura vyokomake mehi retu mena rokutja omahongero wawo ye yandja omasa nombango koviungura vyokomake okuza mozondondo zokehi zosikore. 

Kuaima Tjaronda wa pata ama rongo omitanda mbye rihahiza mena rokuurwa i yomahongero , okupita mozombuharwa vi sekamene oviungura vyokomake orondu osikore nai mai rire otjari ombura ndji.