Khartoum – Aathiopia omayovi taya yi iikolokosha ontuku moshitopolwa shaTigray oya taaguluka oongamba yay a muushiindalongo Sudan, omunambelewa gwepangelo ta ti ngaaka. Mwa kwatelwa mboka tya taaguluka oongamba ongaashi aakwiita yaEthjiopia, osho Alsir Khaled, omukuluntu gwehangano lyoontawuki mondoolopa yokoongamba yaKassala a li a ti ngaaka.
“Oontawuki otadhi mbombolokele mo, nonkalo otayi lunduluka owili kehe,” Khaled ta ti ngaaka.
Oontawuki dha adha po 2 500 odha li dha yalulwa muule womasiku gaali, ashike natango omathele inaya yalulwa, osho a gwedha ko ngaaka.
Aakwiita yaEthiopia ye li lwopo 30 mboka nayo ya tauka oya li ya igandja peinda lyaakwiita lyaSudan, Khaled ta ti.
Omuprima gwaEthiopia Abiy Ahmed okwa li a tumu omatanga ge noondhila koTigray oshiwike sha zi ko hoka a li a yembe elelo lyopashitopolwa. Iikolokosha oya kala unene muuninginino waTigray, popepi noongamba dhaSudan Eritrea.
Gumwe gwoombangi okwa lombwele AFP kutya oofamili dhi na uunona uushona oya kala taya kondjitha okutaaguluka omulonga opo ya ye moSudan.
Omupopiliko gwehangano lyo-UN lyoontauki Babar Baloch mEtitatu okwa ti oontawuki poongamba moSudan, moshitopolwa Gedaref.
UNHCR okwa li a gongele oonzo opo ya hupithe oomwenyo,” Baloch ta ti ngaaka.
“Aantu oya taambwa ko kepangelo, notaya ka falwa kokamba yoontawuki yoShagrab moshitopolwa Kassala,” Baloch ta ti.
Abiy gwaEthiopia mEtiyali okwa li a ti opatolola yetanga lyegameno oyi li pokuya pehulilo, noAfrican Union oya li ya pula iikolokosha mbika yi hulithwe po. Ashike shika inashi shunitha monima aantu mboka taya yi ontuku nando.
Khaled ta ti oonkambadhala dhaSudan okukwathela oontawuki oofupi, noya tegelela omakwatho komahangano gopaigwana ngoka haga ungaunga noontawuki.
-Nampa/AFP