I Rauna Mumbuu OKAKARARA – Otjirata tjotjihuro tja Kakarara moruveze orusuoi matjikambura ovinamwinyo mbya munika momivanda vyo tjihuro ihi otjongo-ndjero yokutjaere kutja ovinamwinyo avi hanya-ngatara momivanda vyo tjuhuro nozondendera zatjo. Omunane wOvyungura vyo tjihuro ihi, Natha-niel Karuaihe, wa raerere o Nampa kutja omany-inganyingiro wovivamwinyo motjihuro ongendo ndjihepa ombango tjimanga. Munao otjirata otji tjatia okukambura ovinamwinyo mbyamunika mo-tjihuro okuyeta ongaro indji kehi yondiero. Watjere nandarire kutja pakara ozongondjero peke peke okutizira ovinamwinyo kokure notjihuro, ovatuta outiti motjivaro uriri ombayandja ombakatui keraa indi notjingi ngunda vepanda okutjita nao. “Kanaa tuyenene okukurisa otjihuro tjetu ndoovazu ovinamwinyo ngunda ma viriryangere momivanda vyetu. Kavyandja ombuniko ombwa kovaryange porwe nungwari wina kauveruke kovature,” Karuahie watjere. Munao otjirata otji matjitungu otjunda nu otji-namwinyo kangamwa tjitjavazewa ouhazendu motjihuro matjikamburwa nomwini watjo aningirwa okusuta otjimariva tjoharive kutja otjinamwinyo tje tjipitisiwe motjunda ihi. Karuaihe wina watjivisire kutja okatomeno ka Kakarara makeutu okuungura rukwao okuza kOritjatatu rotjiveke ihi nozongombe pokai ko 25 no 30 mazeundjirwa okuta eyuva arihe. Wa-tjere otjiungura tjokuzepa tjayandjerwe ko-ngetjefa yo mapinganino vaimba mbaseerwe kombunda momekurisiro morukapita veze, o Se-ringa Investment Company, oure womieze vitatu. Kombunda yomieze vitatu imbi omaunguriro wonganda indji maye yarukirwa nu ndoovazu omayandja hange aye reparisiwa nomieze vitatu vyarwe. Okatomeno inga kukahingi ozombura ozengi ake haungura katungururwa ape no N$700,000 otjihuro tjitjayazema konganda ombwike indji Offshore Development Company (ODC) okutuurungira mo Ministeri yOmara-ndisasaneno nOzongetjefa. Karuaihe wari nomaundjiro kutja okatomeno inga ka kena kuvatera ovatuta porwe okurandisa ozongombe zao nungwari wina makevatere otjirata tjotjihuro okuwonga otjimariva okusetika natjo ozondovi zouhepe wotjimariva mbutjinatjo. Komurungu wa raisire kutja onyama yo kato-meno inga ma irandisiwa kotjitamba tjovarande motjihuro nawina kozonganda zo mahongero mOkarukondua kOmatoororero ka Kakakarara. Wa wezere ko kutja Otjirata wina matji hakaene no Meatco okutara kutja nani mapeya airanda onyama okuza kokatomeno inga. Ngunda aperi nao Otjirata tjeripura nomyano peke peke vyo kuwonga otjimariva tjo kurikareka nomwinyo. Momyano imbi muna ondunge nai ndjiri momaunguriro yo kusembamisa ondanda yozongetjeva motjihuro yondando yokunanena ovapwike varwe kutjo nu harukuru ndjimaituara ko mayeuziro womekurisiro wovature mombwi-ko na mehupo. Watjere ovatjiwe vapeke nai mo-ku vekondonona omuhapo, otjimariva novinenge vyarwe vyondjiviro yoruveze rwa nambano. Otji-rata matjiyazemisa oruveze kovakwike pondanda indji nu munao atji hitisa okamariva.